Sunday, August 23, 2020

အိန္ဒိယတွင် IS စစ်သွေးကြွအဖွဲ့ဝင်များ ဖမ်းမိ

Jammu နဲ့ Kashmir IS အဖွဲ့ (ISJK) လို့ခေါ်တဲ IS စစ်သေးကြွအဖွဲ့က လှုပ်ရှားသူ ၅ ဦးကို အိန္ဒိယရဲတွေက Bandipora ဒေသမှာ စနေနေ့က ဖမ်းဆီးလိုက်ပါတယ်။
အဲဒီ စစ်သွေးကြွတွေကို မြေပုံတွေ၊ အလံတွေ၊ ဝါဒဖြန့်ချိရေး စာရွက်စာတမ်းတွေနဲ့အတူ ရဲက ဖမ်းမိခဲ့တာပါ။ သူတို့ဟာ အိန္ဒိယစစ်တပ် တပ်ခွဲတခုကို တိုက်ခိုက်ဖို့ အစီအစဉ်ရှိသူတွေ ဖြစ်ပါတယ်။
သူတို့ ၅ ဦးစလုံးဟာ အခြားစစ်သွေးကြွတွေ လုပ်ချင်တဲ့ အစီအစဉ်တွေအတွက် ပံ့ပိုးပေးတာ၊ သယ်ယူပို့ဆောင်ရေးနဲ့ အခြားလိုအပ်ချက် စတဲ့ မြေပြင်ထောက်ပံ့ရေး လုပ်ပေးနေကြသူတွေ ဖြစ်တယ်လို့ အိန္ဒိယရဲက ပြောပါတယ်။
ဒီအတောအတွင်း မြို့တော် နယူးဒေလီမှာ ရဲနဲ့ အပြန်လှန် ပစ်ခတ်မှုတခု ဖြစ်ပြီးနောက် နောက်ထပ် IS စစ်သွေးကြွတဦးကို ဖမ်းမိခဲ့ပါတယ်။ သူဟာ ဆီးရီးယားနဲ့ ပါကစ္စတန်တွေမှာ လေ့ကျင့်သင်ကြားခဲ့သူ ဖြစ်ပါတယ်။
အိန္ဒိယရဲတွေရဲ့ အဆိုအရ IS စစ်သွေးကြွတွေဟာ အိန္ဒိယ လွတ်လပ်ရေးနေ့ကာလ သြဂုတ်လ ၁၅ ရက်နေ့တုန်းက ဒေလီမြို့မှာ အသေခံ ဖောက်ခွဲတိုက်ခိုက်ဖို့ ကြံစည်ခဲ့တယ်လို့ ဆိုပါတယ်။
Crd : VOA

0 comments:

Post a Comment