Monday, August 24, 2020

ကြိုတင်ကာကွယ်ရေးအနေနဲ့ ကလောနှင့် တောင်လေးလုံးတွင် COVID-19 စစ်ဆေးရေးဂိတ်များ ပြန်လည် ဖွင့်လှစ်

ရှမ်းပြည်နယ်ရှိ၊ ကလောနှင့် တောင်ကြီးမြို့နယ်၊ တောင်လေးလုံးကျေးရွာတို့တွင် COVID-19 စစ်ဆေးရေးဂိတ်များကို ယနေ့ (ဩဂုတ်လ ၂၄ ရက်)၊ နေ့လယ်ပိုင်းမှ စတင်၍ ပြန်လည် ဖွင့်လှစ်ကာ ကျန်းမာရေး စစ်ဆေးမှုများ ပြုလုပ်နေပြီ ဖြစ်ကြောင်း သိရသည်။
“ တောင်လေးလုံးနဲ့ ကလောနဲ့တော့ ပြန်ဖွင့်ပြီး စစ်ဆေးနေပြီ။ အဓိက ကတော့ Case တွေကလည်း ထပ်များလာပြီ၊ ပြည်သူတွေ သတိနဲ့ နေနိုင်အောင်လို့ လိုအပ်တဲ့ ကြိုတင်ကာကွယ်ရေး အနေနဲ့ လုပ်ဆောင်တာပါ။” ဟု ရှမ်းပြည်နယ် အစိုးရအဖွဲ့ဝင် ပြည်နယ်လူမှုရေး ဝန်ကြီး ဒေါက်တာမျိုးထွန်းက ကမ္ဘောဇတိုင်းသို့ ပြောသည်။
ရှမ်းပြည်နယ်အတွင်းရှိ COVID-19 နှင့် ပတ်သက်၍ ကျန်းမာရေးဆိုင်ရာ စစ်ဆေးရေးဂိတ်များကို ပြီးခဲ့သည့် ဇွန်လ လဆန်းပိုင်းက ပိတ်သိမ်းခဲ့ပြီးနောက် ၃ လခန့်အကြာတွင် ကလောနှင့် တောင်ကြီးမြို့နယ်၊ တောင်လေးလုံး ကျေးရွာတို့တွင် ပြန်လည် ဖွင့်လှစ်၍ ကျန်းမာရေး စစ်ဆေးမှုများ ပြုလုပ်နေခြင်း ဖြစ်သည်။
လက်ရှိတွင် ကလောမြို့အဝင် နေရာနှင့် တောင်ကြီးမြို့နယ်၊ တောင်လေးလုံးကျေးရွာတွင် ကျန်းမာရေး စစ်ဆေးရေး ဂိတ်များ ဖွင့်လှစ်ထားပြီ ဖြစ်သော်လည်း ကျန်ရှိသည့် ဂိတ်များကိုမူ စောင့်ကြည့်၍ လိုအပ်မှသာ ဆက်လက် ဖွင့်လှစ်သွားမည် ဖြစ်ကြောင်း ရှမ်းပြည်နယ်အစိုးရအဖွဲ့ထံမှ သိရသည်။
>>zawgyi<<
ကြိုတင်ကာကွယ်ရေးအနေနဲ့ ကလောနှင့် တောင်လေးလုံးတွင် COVID-19 စစ်ဆေးရေးဂိတ်များ ပြန်လည် ဖွင့်လှစ်
Monday, August 24, 2020
ရှမ်းပြည်နယ်ရှိ၊ ကလောနှင့် တောင်ကြီးမြို့နယ်၊ တောင်လေးလုံးကျေးရွာတို့တွင် COVID-19 စစ်ဆေးရေးဂိတ်များကို ယနေ့ (ဩဂုတ်လ ၂၄ ရက်)၊ နေ့လယ်ပိုင်းမှ စတင်၍ ပြန်လည် ဖွင့်လှစ်ကာ ကျန်းမာရေး စစ်ဆေးမှုများ ပြုလုပ်နေပြီ ဖြစ်ကြောင်း သိရသည်။
“ တောင်လေးလုံးနဲ့ ကလောနဲ့တော့ ပြန်ဖွင့်ပြီး စစ်ဆေးနေပြီ။ အဓိက ကတော့ Case တွေကလည်း ထပ်များလာပြီ၊ ပြည်သူတွေ သတိနဲ့ နေနိုင်အောင်လို့ လိုအပ်တဲ့ ကြိုတင်ကာကွယ်ရေး အနေနဲ့ လုပ်ဆောင်တာပါ။” ဟု ရှမ်းပြည်နယ် အစိုးရအဖွဲ့ဝင် ပြည်နယ်လူမှုရေး ဝန်ကြီး ဒေါက်တာမျိုးထွန်းက ကမ္ဘောဇတိုင်းသို့ ပြောသည်။
ရှမ်းပြည်နယ်အတွင်းရှိ COVID-19 နှင့် ပတ်သက်၍ ကျန်းမာရေးဆိုင်ရာ စစ်ဆေးရေးဂိတ်များကို ပြီးခဲ့သည့် ဇွန်လ လဆန်းပိုင်းက ပိတ်သိမ်းခဲ့ပြီးနောက် ၃ လခန့်အကြာတွင် ကလောနှင့် တောင်ကြီးမြို့နယ်၊ တောင်လေးလုံး ကျေးရွာတို့တွင် ပြန်လည် ဖွင့်လှစ်၍ ကျန်းမာရေး စစ်ဆေးမှုများ ပြုလုပ်နေခြင်း ဖြစ်သည်။
လက်ရှိတွင် ကလောမြို့အဝင် နေရာနှင့် တောင်ကြီးမြို့နယ်၊ တောင်လေးလုံးကျေးရွာတွင် ကျန်းမာရေး စစ်ဆေးရေး ဂိတ်များ ဖွင့်လှစ်ထားပြီ ဖြစ်သော်လည်း ကျန်ရှိသည့် ဂိတ်များကိုမူ စောင့်ကြည့်၍ လိုအပ်မှသာ ဆက်လက် ဖွင့်လှစ်သွားမည် ဖြစ်ကြောင်း ရှမ်းပြည်နယ်အစိုးရအဖွဲ့ထံမှ သိရသည်။

0 comments:

Post a Comment