Thursday, July 16, 2020

ကိုဗစ်အဖြစ်နည်းတဲ့ မြန်မာက ကျောင်းသားတွေ ထိုင်ဝမ်မှာ ကျောင်းပြန်တက်ခွင့်ရ

ထိုင်ဝမ်ကတက္ကသိုလ်တွေမှာ ပညာသင်ကြားနေကြတဲ့ မြန်မာကျောင်းသားတွေကို ကျောင်းပြန်လာတက်ဖို့ ခွင့်ပြုကြောင်း ထိုင်ဝမ်ပညာရေး ဝန်ကြီးဌာနက ဗုဒ္ဓဟူးနေ့က ကြေညာ လိုက်ပါတယ်။ မြန်မာနိုင်ငံမှာ ကိုဗစ်ဖြစ်ပွားမှုနှုန်း သိပ်မများတဲ့အတွက် အခုလို မြန်မာနိုင်ငံက ကျောင်းသားတွေကို ထိုင်ဝမ်မှာ ပြန်လာတက်ခွင့်ပြုလိုက်တာလို့ ဆိုပါတယ်။
ထိုင်ဝမ် အရေးပေါ် အခြေအနေထိန်းချုပ်ရေး ဗဟိုဌာန (CECC) က COVID-19 ကူးစက်မှုနှုန်း နည်းတဲ့နိုင်ငံတွေနဲ့၊ ကူးစက်မှုနည်းတာနဲ့ အသင့်အတင့် ကြားရှိတဲ့ နိုင်ငံတွေကို စာရင်းပြုစုနေချိန် ကတည်းကစပြီး နိုင်ငံတကာကျောင်းသား ၄၃၁ ယောက်ကို ထိုင်ဝမ်ကို ပြန် လာပြီး ကျောင်းတက်ခွင့် ပြုလိုက်ပြီး ဖြစ်တယ်လို့လည်း ထိုင်ဝမ် ပညာရေးဝန်ကြီးဌာနက ပြောပါတယ်။
အခု ကြေညာချက်အရ ရောဂါကူးစက်မှုနှုန်း နည်း တဲ့ စာရင်းဝင်နိုင်ငံ တွေက ကျောင်းသားတွေကို ထိုင်ဝမ်မှာ ကျောင်းတက်ဖို့ ပြန်လာခွင့်ပေးလိုက်တာ ဖြစ်ပါတယ်။ ကူးစက်မှု နှုန်း သိပ်မများတဲ့ နိုင်ငံနဲ့ နယ်မြေစာရင်းထဲမှာ မြန်မာအပါအဝင် နိုင်ငံနဲ့ နယ်မြေ ၁၉ ခုရှိပြီး COVID 19 ကြောင့် ပြန်မလာ နိုင်တဲ့ကျောင်းသား ၆၈၀၀ နီးပါး အခု ခွင့်ပြုတဲ့အထဲ အကျုံးဝင်ပါတယ်။ အများစုက ဟောင်ကောင် ကျောင်းသားတွေ ဖြစ်ပါတယ်။
အခုထိ ကျောင်းသား ၂၉၂ ယောက်ပြန်ရောက်လာပြီလို့လည်း ထိုင်ဝမ် ပညာရေး ဝန်ကြီးဌာနက ပြောပါတယ်။
ကျောင်းသားဟောင်းတွေတင်မကဘဲ စာရင်းဝင်နိုင်ငံ ၁၉ နိုင်ငံက ကျောင်းသားသစ်တွေကိုလည်း ဇူလိုင်လ ၂၂ ရက်နေ့က စပြီး ထိုင်ဝမ်ကို ဝင်ရောက်ခွင့်ပြုသွားမှာဖြစ်ပါတယ်။
Ref ; VOA

0 comments:

Post a Comment