Monday, July 6, 2020

မဲဆောက်မှာ မြန်မာမိန်းကလေးငယ် မုဒိမ်းကျင့် အသတ်ခံရမှု ၃ ဦးကို ဖမ်းဆီးထား

ထိုင်းနိုင်ငံ မဲဆောက်မြို့နယ်မှာ စနေနေ့ ဇူလိုင်လ ၄ ရက်နေ့က ၅ နှစ်သမီးအရွယ် မြန်မာမိန်းကလေးဟာ အဓမ္မပြုကျင့်ခံရပြီး အသတ်ခံရပြီးနောက် အလောင်းကို တာ့ခ်ခရိုင်က တောထဲမှာ သွားတွေ့ပါတယ်။
ရဲတွေက အခင်းဖြစ်ပွားရာ မဲဆောက်ဒေသက နေရာကို အခင်းဖြစ်ပွားတယ်လို့ သိရပြီးနောက် သွားရောက်လေ့လာခဲ့ပါတယ်။ ရဲတွေက ဒီကလေးမလေးရဲ့ ခန္ဓာကိုယ်မှာ လက်နဲ့ ခြေထောက်တွေကို ကြိုးတုပ်ခံထားရပြီး အဝတ်အစားတွေ ဆုတ်ပြဲနေတာကိုလည်း တွေ့ရှိခဲ့ပါတယ်။
ဒီမိန်းကလေးဟာ အဓမ္မပြုကျင့်ခံရပြီးနောက် အသတ်ခံခဲ့ရတယ်လို့ ယူဆရပါတယ်။ မှုခင်းနဲ့ပတ်သက်တဲ့ ဆေးစစ်ချက်တွေကို စောင့်နေစဉ်မှာ သံသယရှိသူ သုံးဦးကို ဖမ်းဆီးခဲ့ပါတယ်။
မဲဆောက်ဆေးရုံက ဒီမိန်းကလေးဟာ ကိုယ်တွင်း ထိခိုက်ဒဏ်ရာတွေနဲ့ သွေးထွက်မှုတွေကို ခံစားခဲ့ရတယ်လို့ အတည်ပြုပါတယ်။ ဆရာဝန်တွေက သူ့ရဲ့ပါးစပ်ကို ဆို့ထားတဲ့ အဝတ်စတစကိုပါ တွေ့ရှိခဲ့ပါတယ်။
ဒီသတင်းကြောင့် ဒေသခံ ၁၀၀ လောက် အထိတ်တလန့် ဖြစ်ကုန်ကြပါတယ်။ ဒီမိန်းကလေးက ဇူလိုင်လ ၃ ရက်နေ့ ည ၇ နာရီလောက်မှာ ပျောက်ဆုံးသွားပြီး နောက်နေ့မနက်မှာ အခုလို ပြန်တွေ့ရတယ်လို့ ပြောပါတယ်။
Ref ; VOA

0 comments:

Post a Comment