Tuesday, July 14, 2020

တောင်ကြီးမြို့အမှတ်၂ နယ်မြေရဲစခန်း အချုပ်ထဲမှ အချုပ်သား ၂ ဦး ထွက်ပြေးမှုဖြစ်ပွား

ရှမ်းပြည်နယ်၊ တောင်ကြီးမြို့၊ မင်္ဂလာဦးရပ်ကွက်၊ အမှတ်၂ နယ်မြေရဲစခန်းကနေ အချုပ်သားနှစ်ဦး ထွက်ပြေးလွတ်မြောက်မှု မနေ့ဇူလိုင်လ ၁၃ ရက်နေ့မနက်ပိုင်းက ဖြစ်ပွားခဲ့တယ်လို့ တောင်ကြီးခရိုင်ရဲတပ်ဖွဲ့မှ ရဲမှူးအဆင့်ရှိသူတစ်ဦးက ပြောပါတယ်။
“ထောင်နှစ်ကြီးသမားတွေဖြစ်ပြီး မူးယစ်မှုနဲ့ ထပ်မံတရားရင်ဆိုင်‌နေသူနှစ်ဦးပါ။ ကနေ့ မနက်အထိ ပြန်လည်ဖမ်းဆီးရမိတာ မရှိသေးဘူး။ ပိတ်ဆို့ ရှာဖွေစစ်ဆေး စုံစမ်းနေပါတယ်”လို့ တောင်ကြီးခရိုင်ရဲတပ်ဖွဲ့မှ ရဲမှူးအဆင့်ရှိသူတစ်ဦးက ပြောပါတယ်။
ထွက်ပြေးလွတ်‌မြောက်နေသူ နှစ်ဦးထဲက အောင်ဇော်ဦး(၃၄ နှစ်)ဟာ ထောင်ဒဏ် တစ်သက်တစ်ကျွန်းကျခံနေသူဖြစ်ပြီး နောက်တစ်ဦးမှာ ဇော်မိုးဌေး(၃၅ နှစ်)ဖြစ်ပြီး ထောင်ဒဏ် ၁၃ နှစ်ကျခံနေသူဖြစ်တယ်လို့ သိရကာ မူးယစ်မှုတစ်ခုအတွက် ထပ်မံတရားရင်ဆိုင်ဖို့ အမှတ်၂ နယ်မြေရဲစခန်းမှာ ချုပ်နှောင်ထားစဉ်ထွက်ပြေးသွားတာ ဖြစ်ပါတယ်။
ထွက်ပြေးသွားတဲ့ အချုပ်သားနှစ်ဦးဟာ တောင်ကြီးမြို့၊ အမှတ်၂ နယ်မြေရဲစခန်း အချုပ်ခန်းအမျိုးသားဆောင် မျက်နှာကျက်မှာရှိတဲ့ သံချောင်းတွေကိုတွန်းတင်ပြီး ထွက် ပြေးသွားတာဖြစ်တယ်လို့ သိရပြီး လက်ရှိအချိန်ထိ ပြန်လည်ဖမ်းဆီးရမိခြင်း မရှိသေးဘူးလို့ တောင်ကြီးခရိုင်ရဲတပ်ဖွဲ့ရုံးကနေ သိရပါတယ်။
Photo – ရဲတပ်ဖွဲ့

0 comments:

Post a Comment