Friday, June 26, 2020

COVID-19 ကြောင့် ပိတ်ထားခဲ့ရသော ပါရီမြို့တော် Eiffel မျှော်စင် ပြန်လည်ဖွင့်လှစ်

COVID-19 ကိုရိုနာဗိုင်းရပ်စ် ကပ်ရောဂါကြောင့် လနဲ့ချီပိတ်ထားရတဲ့ ပြင်သစ်နိုင်ငံက နာမည်ကျော် Eiffel Tower မျှော်စင်ကို ကြာသပတေးက ပထမဆုံးအကြိမ်ပြန်ဖွင့်လိုက်ပြီဖြစ်ပါတယ်။
Eiffel Tower မျှော်စင်ကိုပြန်ဖွင့်ပေးလိုက်တာဟာ ကပ်ရောဂါကနေ ဥရောပနိုင်ငံတွေ တဖြည်းဖြည်းချင်း ပြန်လည်နာလန်ထူ လာနေတာကို ပြသလိုက်တာလည်း ဖြစ်ပါတယ်။ စီးပွားရေး ပြန်လည် ဖွင့်ပေးဖို့ နဲ့ လူထု ကျန်းမာရေးအကြား ချိန်ဆနေရတဲ့ ဥရောပနိုင်ငံတွေမှာ နွေရာသီအားလပ်ရက် ခရီးသွားလာတာနဲ့ ပတ်သက်ပြီး အကောင်းမြင်နေကြပြီး လူချင်း ခပ်ခွါခွါနေတဲ့ စည်းကမ်း သတ်မှတ်ချက်တွေနဲ့ ရောဂါခြေရာခံလိုက်တဲ့ apps တွေက လူတွေ ခရီးသွားဖို့ အားတက်စေလိမ့်မယ်လို့လည်း မျှော်လင့် နေကြ ပါတယ်။
ပြင်သစ်နိုင်ငံထဲ Eiffel Tower အခုဖွင့်ပေးလိုက်ပေမဲ့ ဧည့်သည်အသွားများတဲ့ တခြား နေရာတွေကို တော့ ဇူလိုင်လ ၆ ရက်နေ့အထိ ပိတ်ထားပါတယ်။ Eiffel Tower ကို လာရောက်လည်ပတ်သူတွေ ရောဂါကူးစက်မှု အန္တရာယ်ကင်းရှင်းရေးအတွက် မျှော်စင်ပေါ်က ရှုမျှော်ခင်းနေရာ ၃ခုကို တက်ဖို့ အသုံးပြုတဲ့ ဓါတ်လှေခါးတွေကို ပိတ်ထားမှာ ဖြစ်ပြီး ရှုမျှော်ခင်းနေရာ ၂ခုကိုသာ ဖွင့်ပေးထားမှာ ဖြစ်ပါတယ်။ ကျန်တခုကို တော့ နွေရာသီ နှောင်းပိုင်းမှ ပြန်ဖွင့်ပေးမယ်လို့ ခန့်မှန်းရပါတယ်။
မျှော်စင်ကို လာရောက်သူ ဧည့်သည်တွေကို နာရီဝက်ကနေ ၄၅ မိနစ်ကြာ တက်ရတဲ့ လှေကားအဆင့် ၆၇၄ ဆင့်ရှိတဲ့ မျှော်စင် ဒုတိယထပ်အထိ လွတ်လွတ်လပ်လပ် တက်ရောက် ခွင့်ပေးထားကြောင်း Eiffel မျှော်စင် website မှာ ဖော်ပြထားပါတယ်။
ကပ်ရောဂါကြောင့် Eiffel Tower မျှော်စင်ကို မတ်လကတည်းက ပိတ်ထားရတဲ့ အတွက် ဘဏ္ဍာငွေ အမေရိကန် ဒေါ်လာသန်း ၃၀ ထိခိုက်နစ်နာရကြောင်း မျှော်စင်က တာဝန်ရှိသူ Patrick Branco Ruivo ကပြောပါတယ်။ မျှော်စင်ကို ပိတ်ထားတာ ဒုတိယ ကမ္ဘာစစ်နောက်ပိုင်း မှာ အခုတခါ အကြာဆုံးလို့လည်း သူကပြောပါတယ်။
Crd : VOA

0 comments:

Post a Comment