Sunday, June 21, 2020

ဘရာဇီးနိုင်ငံတွင် ကိုရိုနာဗိုင်းရပ်စ် ကူးစက်မှုတစ်သန်းကျော်နှင့် သေဆုံးသူ ၅၀၀၀၀ ကျော်ပြီ

ဘရာဇီး ကျန်းမာရေးဝန်ကြီးဌာန၏ ပြောကြားချက်အရ ဘရာဇီးနိုင်ငံတွင် ပြီးခဲ့သည့်တစ်ရက်အတွင်း ကိုရိုနာဗိုင်းရပ်စ်ကြောင့် လူ ၉၆၈ ဦး ထပ်မံ သေဆုံးခဲ့ရာ သေဆုံးသူဦးရေမှာ ၅၀၀၅၈ ဦးအထိ မြင့်တက်လာခဲ့ပြီ ဖြစ်သည်။
တောင်အမေရိကတိုက်ရှိ ဘရာဇီးနိုင်ငံမှာ ကမ္ဘာပေါ်တွင် ကိုရိုနာဗိုင်းရပ်စ်ကြောင့် သေဆုံးမှုနှုန်းနှင့် ကူး စက်မှုနှုန်း ဒုတိယအမြင့်ဆုံးတိုင်းပြည်ဖြစ်သည်။
ဘရာဇီးနိုင်ငံတွင် လက်ရှိအချိန်ထိ လူပေါင်း ၁၀၇၀၁၃၉ ဦး ကိုဗစ်-၁၉ ရောဂါ ကူးစက်ခံခဲ့ရပြီး ၅၀၀၅၈ ဦး သေဆုံးကာ ၅၄၃၁၈၆ ဦး ရောဂါပိုးကင်းစင်ပြီဟု သိရသည်။
ဘရာဇီးနိုင်ငံထက် ကိုရိုနာဗိုင်းရပ်စ် ကူးစက်မှုနှင့်သေဆုံးမှုနှုန်း မြင့်မားသောတိုင်းပြည်မှာ အမေရိကန် နိုင်ငံဖြစ်သည်။ အမေရိကန်နိုင်ငံတွင် ကိုရိုနာဗိုင်းရပ်စ်ကူးစက်မှု ၂၂၅၀၀၀၀ ကျော်နှင့် သေဆုံးသူ ၁၁၉၇၀၀ ကျော် ဖြစ်ပွားခဲ့သည်။
ဘရာဇီးသမ္မတ ဂျာဘိုလ်ဆိုနာရိုက ဗိုင်းရပ်စ်ပျံ့နှံ့မှုထိန်းချုပ်ရန် အသွားအလာကန့်သတ်မှုနှင့် တင်းကျပ် သော ပိတ်ဆို့မှုများပြုလုပ်မှုကို အမြဲလိုလို ဆန့်ကျင်ခဲ့သည်။ ဘရာဇီးနိုင်ငံ၏စီးပွားရေး ရှေ့ဆက်လျောက်လှမ်းနိုင် ရန် ပြည်သူတိုင်း ပူးပေါင်းကြရန် ၎င်းက ညွှန်ကြားခဲ့သည်။
ဘရာဇီးနိုင်ငံတွင် ကိုရိုနာဗိုင်းရပ်စ် ကူးစက်ခံရသူအရေအတွက်မှာ တရားဝင်စာရင်းထက် ၁၅ ဆထက်မ နည်း ပိုများနိုင်ကြောင်း ကျန်းမာရေးပညာရှင်များက ပြောသည်။ ဘရာဇီးနိုင်ငံတွင် ကိုရိုနာဗိုင်းရပ်စ် ကူးစက်မှုအ ရေအတွက်မှာ အမေရိကန်နိုင်ငံထက် သုံးဆက်ကျော် များပြားဖွယ်ရှိသည်ဟု ဆိုသည်။
ဘရာဇီးနိုင်ငံ၏ ဒေါ်နယ်ထရမ့်ဟု လူသိများသည့် လက်ယာယိမ်းသမ္မတ ဘိုလ်ဆိုနာရိုက စီးပွားရေးလုပ်ငန်းများကို မဖွင့်လှစ်ပါက ကိုရိုနာဗိုင်းရပ်စ် ကပ်ရောဂါထက် စီးပွားရေးထိခိုက်မှုက ပိုမိုကြီးမားမည်ဟု ပြောကြားသည်။
Ref ; People Media

0 comments:

Post a Comment