Thursday, February 13, 2020

တနင်္သာရီတိုင်းတွင်ရှိသည့် တရားသူကြီးများ သတင်းမီဒီယာတွေကို ဖြေကြားဖို့ငြင်းဆန်ပါက အရေးယူခံရမည်ဟု တိုင်းတရားသူကြီးချုပ်ပြော


Image may contain: 1 person
တနင်္သာရီတိုင်းအတွင်းမှာရှိတဲ့ တရားသူကြီးတွေအနေနဲ့ သတင်းမီဒီယာတွေကိုဖြေကြားဖို့ ငြင်းဆန်ခဲ့ရင် အရေးယူဆောင်ရွက်သွားမှာဖြစ်တယ်လို့ တိုင်းဒေသကြီးတရားသူကြီးချုပ် ဦးတင်အောင်က ပြောပါတယ်။
ဖေဖော်ဝါရီလ ၁၀ ရက်နေ့က ထားဝယ်မြို့မှာပြုလုပ်တဲ့ အစိုးရတာဝန်ရှိသူတွေနဲ့ သတင်းမီဒီယာတွေ တွေ့ဆုံတဲ့ မဏ္ဍိုင်လေးရပ် တွေ့ဆုံဆွေးနွေးပွဲမှာ ပြောကြားခဲ့တာပါ။

" တိုင်းအတွင်းမှာရှိတဲ့ ဘယ်တရားသူကြီးပဲဖြစ်ဖြစ် အသိပေးပါ မီဒီယာကို မဖြေနိုင်ဘူးဆိုတဲ့သူကို ကျွန်တော် အရေးယူပါ့မယ် ဖြေကို ဖြေပေးရမှာပါ ကျွန်တော်တို့လည်း အမိန့်ထုတ်ပြီးသားပါ သက်ဆိုင်ရာ ဘယ်သူ ဘယ်အဆင့်က ဘယ်သူဖြေရမယ်ဆိုတာကို ညွှန်ကြားချက် ထုတ်ပြီးသားဖြစ်ပါတယ် " လို့ တနင်္သာရီတိုင်းဒေသကြီး တိုင်းဒေသကြီးတရားသူကြီးချုပ် ကပြောကြားခဲ့ပါတယ်။

သတင်းမီဒီယာတွေအနေနဲ့ တရားရုံးပရဝုဏ်အပြင်ဘက်က သတင်းရိုက်ကူးတဲ့အခါ တရားရုံး ဝန်ထမ်းတွေက လာရောက် ဟန့်တားတာ၊ ဒါ့အပြင် တရားရုံးပြင်ပမှာ သတင်းရိုက်ကူးမေးမြန်းနေတာတွေကို တရားရုံးဝန်ထမ်းတွေနဲ့ သတင်းတပ်ဖွဲ့ကအရပ်ဝတ် ဝန်ထမ်းတွေက တရားရုံးအတွင်းကနေ သတင်းမီဒီယာတွေကို ပြန်လည် ဓါတ်ပုံရိုက် မှတ်တမ်းတင်တာတွေ ပြုလုပ်နေတဲ့အတွက် သတင်းသမားတွေအနေနဲ့ လုံခြုံစိတ်ချမှု မရှိတဲ့အကြောင်း အဆိုပါ တွေ့ဆုံဆွေးနွေးပွဲမှာ သတင်းသမားတွေက ပြောကြားခဲ့ပါတယ်။

အဆိုပါတွေ့ဆုံပွဲမှာ အုပ်ချုပ်ရေးမဏ္ဍိုင်၊ တရားစီရင်ရေးမဏ္ဍိုင် ၊ ဥပဒေပြုရေးမဏ္ဍိုင်ကအရာ ရှိတွေတက်ရောက်ခဲ့ပြီး မီဒီယာတွေနဲ့ တွေ့ဆုံဆွေးနွေးခဲ့တာလည်းဖြစ်ပါတယ်။

တရားရုံးတစ်ချို့မှာ သတင်းသမားတွေအနေနဲ့ ပြည်သူလူထုစိတ်ဝင်စားတဲ့ သတင်းများ ရယူရာမှာ အခက်အခဲတစ်ချို့ရှိနေတယ်လို့သတင်းသမားတွေက ပြောပါတယ်။

တရားရုံး ပရဝုဏ်သတ်မှတ်တာကို သေချာစွာဆောင်ရွက်ပေးဖို့နဲ့ ခရိုင်တရားရုံးတွေမှာ မီဒီယာတွေနဲ့ တစ်လတစ်ကြိမ်တွေ့ဆုံပြီး အများပြည်သူနဲ့ သက်ဆိုင်တဲ့ သတင်းတွေကို ထုတ်ပြန်ပေးဖို့အတွက်ကြိုးစားဆောင်ရွက်မှာဖြစ်တယ်လို့လည်း အဲဒီတွေ့ဆုံပွဲမှာ တရားရေးမဏ္ဍိုင်ဘက်က ပြန်လည်ကတိပေးပြောကြားခဲ့ပါတယ်။

အခုလို မဏ္ဍိုင် ၄ ရပ်တွေ့ဆုံပွဲကို မြန်မာနိုင်ငံအတွင်းမှာရှိတဲ့ တိုင်းဒေသကြီးနှင့်ပြည်နယ်အားလုံးနီးပါးတွင်လုပ်ဆောင်ခဲ့ပြီး ကယား ပြည်နယ်တစ်ခုပဲကျန်ရှိတော့ကာ ကယားပြည်နယ်အတွင်းမှာလည်း လအနည်းငယ်အတွင်းမှာ မဏ္ဍိုင်လေးရပ် ပြုလုပ်သွားဖို့ရှိတယ်လို့ မြန်မာနိုင်ငံ သတင်းမီဒီယာကောင်စီက တာဝန်ရှိသူတွေက ပြောပါတယ်။

သတင်း-မြတ်ထွဋ် (မြိတ်) #Myanmar_Online_News
>>Zawgyi<<
တနင်္သာရီတိုင်းတွင်ရှိသည့် တရားသူကြီးများ သတင်းမီဒီယာတွေကို ဖြေကြားဖို့ငြင်းဆန်ပါက အရေးယူခံရမည်ဟု တိုင်းတရားသူကြီးချုပ်ပြော
Friday , February 14 , 2020

တနင်္သာရီတိုင်းအတွင်းမှာရှိတဲ့ တရားသူကြီးတွေအနေနဲ့ သတင်းမီဒီယာတွေကိုဖြေကြားဖို့ ငြင်းဆန်ခဲ့ရင် အရေးယူဆောင်ရွက်သွားမှာဖြစ်တယ်လို့ တိုင်းဒေသကြီးတရားသူကြီးချုပ် ဦးတင်အောင်က ပြောပါတယ်။

ဖေဖော်ဝါရီလ ၁၀ ရက်နေ့က ထားဝယ်မြို့မှာပြုလုပ်တဲ့ အစိုးရတာဝန်ရှိသူတွေနဲ့ သတင်းမီဒီယာတွေ တွေ့ဆုံတဲ့ မဏ္ဍိုင်လေးရပ် တွေ့ဆုံဆွေးနွေးပွဲမှာ ပြောကြားခဲ့တာပါ။

" တိုင်းအတွင်းမှာရှိတဲ့ ဘယ်တရားသူကြီးပဲဖြစ်ဖြစ် အသိပေးပါ မီဒီယာကို မဖြေနိုင်ဘူးဆိုတဲ့သူကို ကျွန်တော် အရေးယူပါ့မယ် ဖြေကို ဖြေပေးရမှာပါ ကျွန်တော်တို့လည်း အမိန့်ထုတ်ပြီးသားပါ သက်ဆိုင်ရာ ဘယ်သူ ဘယ်အဆင့်က ဘယ်သူဖြေရမယ်ဆိုတာကို ညွှန်ကြားချက် ထုတ်ပြီးသားဖြစ်ပါတယ် " လို့ တနင်္သာရီတိုင်းဒေသကြီး တိုင်းဒေသကြီးတရားသူကြီးချုပ် ကပြောကြားခဲ့ပါတယ်။

သတင်းမီဒီယာတွေအနေနဲ့ တရားရုံးပရဝုဏ်အပြင်ဘက်က သတင်းရိုက်ကူးတဲ့အခါ တရားရုံး ဝန်ထမ်းတွေက လာရောက် ဟန့်တားတာ၊ ဒါ့အပြင် တရားရုံးပြင်ပမှာ သတင်းရိုက်ကူးမေးမြန်းနေတာေတွကို တရားရုံးဝန်ထမ်းတွေနဲ့ သတင်းတပ်ဖွဲ့ကအရပ်ဝတ် ဝန်ထမ်းတွေက တရားရုံးအတွင်းကနေ သတင်းမီဒီယာတွေကို ပြန်လည် ဓါတ်ပုံရိုက် မှတ်တမ်းတင်တာတွေ ပြုလုပ်နေတဲ့အတွက် သတင်းသမားတွေအနေနဲ့ လုံခြုံစိတ်ချမှု မရှိတဲ့အကြောင်း အဆိုပါ တွေ့ဆုံဆွေးနွေးပွဲမှာ သတင်းသမားတွေက ပြောကြားခဲ့ပါတယ်။

အဆိုပါတွေ့ဆုံပွဲမှာ အုပ်ချုပ်ရေးမဏ္ဍိုင်၊ တရားစီရင်ရေးမဏ္ဍိုင် ၊ ဥပဒေပြုရေးမဏ္ဍိုင်ကအရာ ရှိတွေတက်ရောက်ခဲ့ပြီး မီဒီယာတွေနဲ့ တွေ့ဆုံဆွေးနွေးခဲ့တာလည်းဖြစ်ပါတယ်။

တရားရုံးတစ်ချို့မှာ သတင်းသမားတွေအနေနဲ့ ပြည်သူလူထုစိတ်ဝင်စားတဲ့ သတင်းများ ရယူရာမှာ အခက်အခဲတစ်ချို့ရှိနေတယ်လို့သတင်းသမားတွေက ပြောပါတယ်။

တရားရုံး ပရဝုဏ်သတ်မှတ်တာကို သေချာစွာဆောင်ရွက်ပေးဖို့နဲ့ ခရိုင်တရားရုံးတွေမှာ မီဒီယာတွေနဲ့ တစ်လတစ်ကြိမ်တွေ့ဆုံပြီး အများပြည်သူနဲ့ သက်ဆိုင်တဲ့ သတင်းတွေကို ထုတ်ပြန်ပေးဖို့အတွက်ကြိုးစားဆောင်ရွက်မှာဖြစ်တယ်လို့လည်း အဲဒီတွေ့ဆုံပွဲမှာ တရားရေးမဏ္ဍိုင်ဘက်က ပြန်လည်ကတိပေးပြောကြားခဲ့ပါတယ်။

အခုလို မဏ္ဍိုင် ၄ ရပ်တွေ့ဆုံပွဲကို မြန်မာနိုင်ငံအတွင်းမှာရှိတဲ့ တိုင်းဒေသကြီးနှင့်ပြည်နယ်အားလုံးနီးပါးတွင်လုပ်ဆောင်ခဲ့ပြီး ကယား ပြည်နယ်တစ်ခုပဲကျန်ရှိတော့ကာ ကယားပြည်နယ်အတွင်းမှာလည်း လအနည်းငယ်အတွင်းမှာ မဏ္ဍိုင်လေးရပ် ပြုလုပ်သွားဖို့ရှိတယ်လို့ မြန်မာနိုင်ငံ သတင်းမီဒီယာကောင်စီက တာဝန်ရှိသူတွေက ပြောပါတယ်။

သတင်း-မြတ်ထွဋ် (မြိတ်) #Myanmar_Online_News

0 comments:

Post a Comment