Friday, July 3, 2020

ဖိလစ်ပိုင်နိုင်ငံမှ လေကြောင်းလိုင်းများ ပိတ်မိနေပြီး နေရပ်ပြန်လာရန် ခက်ခဲနေသော မြန်မာနိုင်ငံသားများ ပြန်လည်ရောက်ရှိ

ဖိလစ်ပိုင် နိုင်ငံတွင် ရောက်ရှိနေကြပြီး COVID-19 ရောဂါကူးစက်ပျံ့နှံ့မှုကြောင့် နိုင်ငံတကာလေကြောင်းလိုင်းများ ပိတ်ထားသဖြင့် နေရပ်ပြန်လာရန် အခက်အခဲကြုံတွေ့နေရသည့်မြန်မာနိုင်ငံသားများသည် ဖိလစ်ပိုင်နိုင်ငံဆိုင်ရာ မြန်မာသံရုံး၏ စီစဉ်ညှိနှိုင်းဆောင်ရွက်မှုဖြင့် ဇွန်လ၃ရက်နေ့၊ ညပိုင်းက အပြည်ပြည်ဆိုင်ရာ မြန်မာလေကြောင်းလိုင်း(MAI)၏ ကယ်ဆယ်ရေးလေယာဉ်ခရီးစဉ်ဖြင့် ရန်ကုန်အပြည်ပြည်ဆိုင်ရာလေဆိပ်သို့ ပြန်လည်ရောက်ရှိလာကြရာ မြန်မာနိုင်ငံသားများ၊ မြန်မာသေင်္ဘာသားများ အပါအ၀င် ခရီးသည်စုစု ပေါင်း (၁၂၅)ဦးလိုက်ပါလာခဲ့ကြောင်း သတင်းရရှိပါသည်။

တရုတ်မှာ မိုးကြီး ရေလျှံမှုတွေကြောင့် လူ ၁၀၀ ကျော် အသေအပျောက် ရှိ

တရုတ်နိုင်ငံ တောင်ပိုင်းမှာ သီတင်းပတ်ချီကာ မကြုံစဖူး မိုးကြီးနေခဲ့မှုကြောင့် နေအိမ် အဆောက်အအုံတွေ ရေနဲ့ မျောပါ ပျက်စီးခဲ့ပါတယ်။ တောင်ပိုင်းဒေသများစွာမှာ ဆယ်စုနှစ်များစွာအတွင်း ရေကြီးမှု အဆိုးဝါးဆုံးကြုံခဲ့ရကာ ဒေသခံ ၁၅ သန်းလောက် ရေကြီးမှု ဒဏ်ခံစားခဲ့ရပြီး လူ ၁၀၆ ဦးခန့် အသေ အပျောက်ရှိနေတယ်လို့ ဆိုပါတယ်။

တစ်နိုင်ငံလုံးရှိ အခြေခံပညာကျောင်းများ တစ်နေ့လျှင် လေးနာရီနှင့် စာသင်ချိန် ငါးချိန်သာသင်ကြားရန် ညွှန်ကြားစာထုတ်မည်

တစ်နိုင်ငံလုံးရှိ အခြေခံပညာကျောင်းများ တစ်နေ့လျှင် လေးနာရီနှင့် စာသင်ချိန်ငါးချိန်သင်ကြားရန် ညွှန်ကြား စာထုတ်မည်ဖြစ်ကြောင်း ပညာရေးဝန်ကြီးဌာနအခြေခံပညာဦးစီးဌာနမှသိရသည်။

မိုင်းဆွဲတိုက်ခိုက်မှုကြောင့် နေရာအနီးရှိမသင်္ကာဖွယ်ရာ ၁၂ ဦးအား စစ်ဆေးရာ AA အကြမ်းဖက်သောင်း ကျန်းသူများနှင့် ပတ်သက်ဆက်နွယ်မှုမရှိသဖြင့် သက်ဆိုင်ရာအုပ်ချုပ်ရေးအဖွဲ့ထံ ပြန်လည်လွှဲပြောင်း

ရခိုင်ပြည်နယ်၊ ကျောက်ဖြူမြို့နယ်၊ စစ်တောကျေးရွာအနီးရှိ နယ်မြေခံတပ်မှ အရာရှိ၊ စစ်သည်များ၏ လစာငွေများထုတ်ယူရန်အတွက် ကျောက်ဖြူမြို့သို့ မောင်းနှင်လာသော တပ်မတော် ယာဉ်တန်းအား ဇွန် ၃၀ ရက်တွင် AA အကြမ်းဖက်သောင်းကျန်းသူများက မိုင်းဆွဲတိုက်ခိုက်ခဲ့သဖြင့် ယာဉ်ပေါ်ရှိ လုံခြုံရေးတပ်ဖွဲ့ဝင်များက ပြန်လည်ပစ်ခတ်ခဲ့ပြီး ဝန်းကျင်တစ်ဝိုက်အား အသေးစိတ်စစ်ဆေးစဉ် မသင်္ကာဖွယ် အမျိုးသား ၁၀ ဦးနှင့် အမျိုးသမီး ၂ ဦးအား တွေ့ရှိခဲ့ရသဖြင့် ကျောက်ဖြူ မြို့မရဲစခန်းသို့ လွှဲပြောင်းစစ်ဆေးခဲ့ကြောင်းကို သတင်းထုတ်ပြန်ထားပြီးဖြစ်သည်။

ဖားကန့် မြေပြိုမှု သေဆုံးသူ ၁၇၂ ဦး အထိ မြင့်တက်လာ

ကချင်ပြည်နယ်၊ ဖားကန့်မြို့နယ်၊ ဆိပ်မူကျေးရွာအုပ်စု၊ ဝှေခါကျေးရွာရပ်ကွက် (၆)၊ လခူးချောင်ရှိ ကျောက်မျက်ရွှေပြည် ကုမ္ပဏီ (ဒေသအခေါ် တစ်သုံးလုံး ကုမ္ပဏီ)ရဲ့ မိုးရာသီ ကာလ ရပ်နားထားတဲ့ လုပ်ကွက်မှာ ဇူလိုင် ၂ ရက်နေ့ မနက်ပိုင်းက ကျင်းကမ်းပါး မြေပြိုမှုဖြစ်ပွားခဲ့ပြီး အဲဒီမှာ ရေမဆေးကျောက် ရှာဖွေနေသူ ၂၀၀ ဝန်းကျင်ဟာ နွံလှိုင်းရိုက် နွံနစ်မျောပါခဲ့ကြပါတယ်။

ထိုင်ဝမ်မှ မဟာဗျူဟာကျကျတည်ရှိသည့် အမေရိကန်၏ Guam ကျွန်းပေါ်တွင် ကောင်စစ်ဝင်ရုံးပြန်ဖွင့်မည်ဖြစ်

ထိုင်ဝမ်သည် တရုတ်နိုင်ငံမှ သံတမန်ရေးရာအရ အရှိန်ဟုန်မြှင့်ဆောင်ရွက်နေသည့် ပစိဖိတ်သမုဒ္ဒရာရှိ အမေရိကန်၏ကြီးမားသောစစ်အခြေစိုက်စခန်းနှင့်အတူ မဟာဗျူဟာကျကျတည်ရှိနေသည့် Guam ကျွန်းပေါ်တွင် ကောင်စစ်ဝင်ရုံးကို ပြန်လည်ဖွင့်လှစ်သွားမည်ဖြစ်ကြောင်း ဇူလိုင်လ ၃ရက်နေ့တွင် ပြောကြားခဲ့ပါသည်။

လုံးခင်း၊ ဖားကန့်ရတနာနယ်မြေအတွင်း မြေပြိုကျမှုဖြစ်စဉ်နှင့်စပ်လျဉ်း၍ စုံစမ်းစစ်ဆေးမည်

လုံးခင်း၊ ဖားကန့်ရတနာနယ်မြေအတွင်း မြေပြိုကျမှုဖြစ်စဉ်နှင့်စပ်လျဉ်း၍ အစိုးရကစုံစမ်းစစ်ဆေးသွားမည်ဟုသိရသည်။

အိန္ဒိယနိုင်ငံ၌ သင်တန်းတက်ရောက်ပြီး ပြန်လည်ရောက်ရှိလာသည့်အရာရှိ၊ စစ်သည်များအနက်မှ စစ်သည် ၂ ဦးတွင် COVID-19 ရောဂါပိုး ထပ်မံတွေ့ရှိ

အိန္ဒိယနိုင်ငံ၌ သင်တန်းတက်ရောက်ပြီးဆုံး၍ ဇွန် ၂၆ ရက်တွင် တပ်မတော်လေယာဉ်ဖြင့် အိန္ဒိယနိုင်ငံမှ ရန်ကုန်အပြည်ပြည်ဆိုင်ရာလေဆိပ်သို့ ပြန်လည်ရောက်ရှိလာပြီး ရန်ကုန်တိုင်းစစ်ဌာနချုပ်နယ်မြေအတွင်းအသွားအလာကန့်သတ် သီးခြားစောင့်ကြည့်ထားသည့် အရာရှိ၊ စစ်သည် ၄၈ ဦး အနက် စစ်သည် ၅ ဦးတွင် COVID-19 ရောဂါပိုးတွေ့ရှိမှု သတင်းအား ဇွန် ၂၇ နှင့် ၂၈ ရက်တွင် ထုတ်ပြန်ခဲ့ပြီးဖြစ်သည်။

ရဲရာထူးခန့်ချုပ်ကို ရဲမှူးချုပ်ဇော်မိုးသန်းကို ရဲတရားရုံးက အလုပ်မှထုတ်ပယ်ပြီး ထောင် ဒဏ်ချမှတ်

မြန်မာနိုင်ငံရဲတပ်ဖွဲ့မှ ထိပ်တန်းရဲအရာရှိကြီးစာရင်းဝင် ရဲရာထူးခန့်ချုပ် ရဲမှူးချုပ်ဇော်မိုးသန်းကို ရဲတရားရုံးက ရာထူးမှ ထုတ်ပယ်ကာ ထောင်ဒဏ်ချမှတ်လိုက်ကြောင်းသိရသည်။ ယနေ့ညနေပိုင်းတွင်ရမည်းသင်းထောင်ကို ပို့လိုက်ပြီဖြစ်ကြောင်းလည်းသိရသည်။

တောင်ကြီးမှာ အောင်ဘာလေထီလက်မှတ်တွေကို အစိုးရသတ်မှတ်စျေးထက်ပိုမို ရောင်းချမှုတွေရှိနေ

တောင်ကြီးမြို့ရှိ ထီအရောင်းဈေးကွက်ထဲမှာ ကျပ်တစ်ထောင်တန် အောင်ဘာလေထီလက်မှတ်တွေကို အစိုးရကသတ်မှတ်ဈေးနှုန်းဖြစ်တဲ့ ကျပ်တစ်ထောင်ထက်ပိုမိုရောင်းချမှုတွေရှိနေတယ်လို့ ဒေသခံပြည်သူတွေထံမှ သိရပါတယ်။

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်၏ ၆၄နှစ်မြောက်မွေ့နေ့အလှူပြုလုပ်

တပ်မတော်ကာကွယ်ရေးဦးစီးချုပ်ဗိုလ်ချုပ်မှူးကြီးမင်းအောင်လှိုင်၏ ၆၄နှစ်မြောက်မွေးနေ့အဖြစ် အလှူဒါနများပြုလုပ်ခဲ့ကြောင်းသိရသည်။

ဇူလိုင် ၁၃ ရက်မှ ၁၇ ရက်အထိ အထက်တန်းအဆင့်စနစ်သစ် Grade 10 နှင့် စနစ်ဟောင်း Grade 11 ကို တစ်နိုင်ငံလုံးအတိုင်းအတာဖြင့် ကျောင်းအပ်လက်ခံမည်ဖြစ်ပြီး အတန်းငယ်များ မသိရသေး

ဇူလိုင် ၁၃ ရက်မှ ၁၇ ရက်အထိ အထက်တန်းအဆင့်စနစ်သစ် Grade10 နှင့် စနစ်ဟောင်း Grade 11 ကို တစ်နိုင်ငံလုံးအတိုင်းအတာဖြင့် ကျောင်းအပ်လက်ခံမည်ဖြစ်ပြီး အတန်းငယ်များမသိရသေးကြောင်း အခြေခံပညာဦးစီးဌာနမှ ဒုတိယညွှန်ကြားရေးမှူးချုပ် ဒေါက်တာတင်မောင်ဝင်းကပြောသည်။

ဟောင်ကောင်ပြည်သူများအား အင်္ဂလန်နိုင်ငံသားဖြစ်ခွင့်အတွက် ကမ်းလှမ်းနေသည့် အင်္ဂလန်နိုင်ငံအား တရုတ်နိုင်ငံမှသတိပေး

အမျိုးသားလုံခြုံရေးဉပဒေကြောင့် ဟောင်ကောင်ရှိ လူဦးရေး ၃ သန်းခန့်ကို နိုင်ငံသားဖြစ်ခွင့်အတွက် လမ်း ကြောင်းဖွင့်ပေးမည်ဟု ဗြိတိန်အစိုးရမှ ထုတ်ပြန်ခဲ့ပြီး တစ်ရက်အကြာတွင် ဟောင်ကောင်ပြည်သူများအား အင်္ဂလန်နိုင်ငံသားအဖြစ်ခံယူရန် ကမ်းလှမ်းနေသည့်အင်္ဂလန်နိုင်ငံအား တရုတ်နိုင်ငံနိုင်ငံခြားရေးဝန်ကြီးဌာနမှ ပြစ်တင်ဝေဖန်ခဲ့ပါသည်။

အငြိမ်းစားယူမယ့် နိုင်ငံ့ဝန်ထမ်းတွေ နေထိုင်နိုင်ရန် ဝန်ထမ်းအိမ်ရာတွေ ဆောက်လုပ်နေ

နိုင်ငံတာဝန်ကိုထမ်းဆောင်နေတဲ့ဝန်ထမ်းတွေအနေနဲ့ အသက်ပြည့်လို့ အငြိမ်းစားယူတဲ့အခါမှာ ဂုဏ်သိက္ခာရှိရှိနေထိုင်နိုင်အောင် ဝန်ထမ်းအိမ်ယာများကို ဦးစားပေးဆောက်လုပ်နေတယ်လို့ နိုင်ငံတော်အတိုင်ပင်ခံကပြောပါတယ်။

အမှတ်(၁)တပ်မတော်ဆေးရုံကြီး(ခုတင်-၁၀၀၀)ရှိ Cobas 6800 စက်အတွက် Aorta Company Limited မှ တန်ဖိုးငွေ USD 11,000 ရှိသော 50KVA Generator & Accessories များနှင့် တပ်ဆင်ခငွေကျပ် ၁၈ သိန်း ပေးအပ်လှူဒါန်း

ရန်ကုန်တိုင်းဒေသကြီး၊ မင်္ဂလာဒုံမြို့နယ်၊ အမှတ်(၁)တပ်မတော်ဆေးရုံကြီး (ခုတင်-၁၀၀၀)ရှိ Cobas 6800 စက်အတွက် ဒေါက်တာတင်အောင်လွင်မိသားစု (Aorta Company Limited)မှ တန်ဖိုးငွေ USD 11,000 ရှိသော 50KVA Generator & Accessories များနှင့် တပ်ဆင်ခငွေကျပ် ၁၈ သိန်းတို့ကို ဇူလိုင်လ ၃ ရက်၊ နံနက်ပိုင်းတွင် ပေးအပ်လှူဒါန်းခဲ့သည်။

မြန်မာနိုင်ငံအတွက် ကိုရီးယားနိုင်ငံထုတ် နှာခေါင်းစည်း (Mask) အခုရေ (၅၀,၀၀၀) အား JSK Group မှ ပေးအပ်လှူဒါန်း

ကိုရီးယားသမ္မတနိုင်ငံရှိ JSK Group ၏ အမှုဆောင်အရာရှိချုပ်ဖြစ်သူ Mr. Lee Kyung Shin နှင့် JSK Shipping Co, Ltd ၏ ဒုတိယဥက္ကဋ္ဌဖြစ်သူ Mr. Lee Jong-kwon တို့သည် ကိုရီးယားသမ္မတနိုင်ငံဆိုင်ရာ မြန်မာသံအမတ်ကြီး ဦးသန့်စင်အား ၃-၇-၂၀၂၀ ရက်၊ နံနက် ၁၁:၀၀ နာရီအချိန်တွင် လာရောက်တွေ့ဆုံ၍ မြန်မာနိုင်ငံရှိ COVID-19 ရောဂါ ကာကွယ်၊ ထိန်းချုပ်၊ ကုသရေးလုပ်ငန်းစဉ်တွင် အသုံးပြုနိုင်ရန်အတွက် မြန်မာကျပ်ငွေ (၅၅၂) သိန်းခန့်နှင့် ညီမျှသည့် အမေရိကန် ဒေါ်လာ (၄၀,၀၀၀) တန်ဖိုးရှိသော ကိုရီးယားနိုင်ငံထုတ် နှာခေါင်းစည်း (Mask) အခုရေ (၅၀,၀၀၀) အား ပေးအပ်ခဲ့ရာ သံအမတ်ကြီးမှ JSK Group သို့ ကျေး ဇူးတင်ဂုဏ်ပြုလွှာ ပြန်လည်ပေးအပ်ခဲ့ပါသည်။

အိန္ဒိယမှ COVID-19 လူနာ (၂) ဦး ထပ်တိုးကြောင်း သတင်းထုတ်ပြန်

၁။ (၃-၇-၂၀၂၀) ရက်နေ့အတွက် COVID-19 ရောဂါ ဓာတ်ခွဲစစ်ဆေးရာတွင် -
- အမျိုးသားကျန်းမာရေးဓာတ်ခွဲမှုဆိုင်ရာဌာန (ရန်ကုန်) (NHL) မှ (ပထမအသုတ်) ဓာတ်ခွဲ နမူနာ (၂၈၂)ခု၊
- ဆေးသုတေသနဦးစီးဌာန (DMR)မှ ဓာတ်ခွဲနမူနာ (၂၆၆) ခု၊

မြန်မာနိုင်ငံမှ နေရပ်ပြန် ထိုင်းနိုင်ငံသား ၃၉ ဦးကို တာဝန်ရှိသူများထံ ပြန်လည်လွှဲပြောင်းပို့ဆောင်

ရှမ်းပြည်နယ်(အရှေ့ပိုင်း) တာချီလိတ်မြို့တွင် မြန်မာနိုင်ငံသို့ တရားဝင်လာရောက်အလုပ်လုပ်ကိုင်လျက်ရှိသော နေရပ်ပြန်လိုသည့် ထိုင်းနိုင်ငံသား အမျိုးသား ၂၂ ဦးနှင့် အမျိုးသမီး ၁၇ ဦး စုစုပေါင်း ၃၉ ဦးတို့ကို ယနေ့ ဇူလိုင်လ ၃ ရက်နေ့ နံနက် ၁၀ နာရီခွဲအချိန်က မြန်မာ-ထိုင်းချစ်ကြည်ရေးတံတား(၂)မှ ပြန်လည်လွှဲပြောင်းပို့ဆောင်ပေးခဲ့ကြောင်း သိရသည်။

စီချွမ်ပြည်နယ်၌ မိုးသက်မုန်တိုင်း တိုက်ခတ်မှုကြောင့် ၁၆ ဦးသေ၊ ခြောက်ဦး ပျောက်ဆုံး

တရုတ်နိုင်ငံအနောက်တောင်ပိုင်း စီချွမ်ပြည်နယ်၊ မီရန်နင်စီရင်စု၌ အင်အားပြင်းထန်သော မိုးသက်မုန်တိုင်းတစ်ခု တိုက်ခတ်ခဲ့ရာ လူ ၁၆ ဦးထက်မနည်း သေဆုံးခဲ့ပြီး ခြောက်ဦး ပျောက်ဆုံးနေဆဲဖြစ်ကြောင်း ဒေသန္တရအစိုးရအဖွဲ့၊ သတင်းပြန်ကြားရေးရုံးက ပြောကြားခဲ့သည်။

ဒေါ်အောင်ဆန်းစုကြည်နှင့် ဦးဝင်းမြင့်တို့ ပါတီစည်းရုံးရေးလုပ်ငန်းများစတင်ဆောင်ရွက်မည့် NLD ၏ ကြေညာချက် အခြားနိုင်ငံရေးပါတီများအတွက် တရားမျှတမှုမရှိကြောင်း တိုင်းရင်းသားပါတီများပြော

NLD ပါတီဥက္ကဋ္ဌ ဒေါ်အောင်ဆန်းစုကြည်(နိုင်ငံတော်အတိုင်ပင်ခံ)နှင့် ဒုတိယဥက္ကဋ္ဌ(၁)ဦးဝင်းမြင့်(သမ္မတ)တို့ ပါတီစည်းရုံးရေးလုပ်ငန်းများနှင့် နယ်မြေစည်းရုံးရေးလုပ်ငန်းများကို စတင်ဆောင်ရွက်တော့မည်ဖြစ် ကြောင်း ယခုလ ၂ ရက်က NLD ပါတီမှ ကြေညာချက်ထုတ်ပြန်ခဲ့ပြီး ယင်းထုတ်ပြန်ချက်သည် အခြားနိုင်ငံရေးပါတီများအတွက်မျှတမှုမရှိကြောင်း တိုင်းရင်းသားပါတီများမှ People Media သို့ပြောသည်။

မင်းလှမြို့နယ် မလွန်ရေခါးပရိယတ္တိစာသင်တိုက်တွင် ကိန်းဝပ်စံပါယ်တော်မူမည့် ဉာဏ်တော်(၉)ပေရှိ ဆင်းတု တော်ကို နေရာချထားရန်အတွက် တပ်မတော်က ပူးပေါင်းဆောင်ရွက်

မကွေးတိုင်း မင်းလှမြို့နယ် မလွန်ကျေးရွာအုပ်စု ရေခါးကျေးရွာ ပရိယတ္တိစာသင်တိုက်တွင် ကိန်းဝပ်စံပါယ်တော် မူမည့်ဉာဏ်တော်(၉)ပေရှိ ဗုဒ္ဓရုပ်ပွားကို ဇူလိုင် ၂ ရက် နံနက်ပိုင်းက မလွန်ရေခါးစာသင်တိုက်သို့ ပင့်ဆောင် လာကြသည်။

ရေကြည်မြို့နယ် လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာန မြို့နယ်ဦးစီးမှူး ဦးကိုကိုနိုင် ကို အဂတိလိုက်စားမှုတိုက်ဖျက်ရေးဥပဒေဖြင့် အမှုဖွင့်လှစ် အရေးယူ

ရေကြည်မြို့နယ် လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာန မြို့နယ်ဦးစီးမှူး ဦးကိုကိုနိုင်(ယခု ပုသိမ်မြို့နယ် လယ်ယာမြေစီမံခန့်ခွဲရေး နှင့်စာရင်းအင်းဦးစီးဌာန)ကို အဂတိလိုက်စားမှုတိုက်ဖျက်ရေးဥပဒေဖြင့် အမှုဖွင့်လှစ် အရေးယူလိုက်ကြောင်းသိရသည်။

ဖားကန့်မြေပြိုမှုကြောင့် သေဆုံးမှုအတွက် အစိုးရက ထောက်ပံ့ကြေးပေးအပ်

ဖားကန့်မြေပြိုမှုကြောင့် သေဆုံးမှုအတွက် အစိုးရက ထောက်ပံ့ကြေးများ ယနေ့ပေးအပ်ခဲ့ကြောင်းသိရသည်။

ဖားကန့် မြေပြိုမှုအတွက် တပ်မတော် (ကြည်း၊ရေ၊လေ) မိသားစုများမှ ကူညီထောက်ပံ့ခြင်း

ဖားကန့်မြို့နယ် အထွေထွေအုပ်ချုပ်ရေးဦးစီးဌာနရုံး အစည်းအဝေးခန်းမဆောင်၌ ယ​နေ့ (၃.၇.၂၀၂၀) နံနက် ၁၁နာရီ၄၀မိနစ်တွင် တပ်မတော် ကြည်း၊ ရေ ၊လေ မိသားစုများမှ ကျပ်သိန်း ၅၀၀ နှင့် ဆန်၊ ဆီ၊ ဆား တို့ကို ဆိပ်မူအုပ်စု၊ဝှေခါကျေးရွာအနီး လုပ်ကွက်ဟောင်းကျောက်ကြော ပြိုကျမှုတွင် သေဆုံးသူများ၏ ကျန်ရစ်သူမိသားစုများအားကူညီထောက်ပံ့လှူဒါန်းခြင်းအခမ်းအနားကျင်းပခဲ့ကြောင်းသိရပါသည်။

ရွေးကောက်ပွဲမဲဆွယ်ရာတွင် ဗိုလ်ချုပ်ပုံကို ဆက်လက်အသုံးပြုမည်ဟု ဒီချုပ်အသိပေး

လာမည့်နိုဝင်ဘာ ၈ ရက်တွင်ကျင်းပမည့် ရွေးကောက်ပွဲအောင်နိုင်ရေး မဲဆွယ်ရာတွင် ဗိုလ်ချုပ်ပုံကိုဆက် လက် အသုံးပြုသွားမည်ဖြစ်ပြီး ပြည်ခိုင်ဖြိုးပါတီ၏ဝေဖန်မှုအပေါ် တုံ့ပြန် စရာမရှိကြောင်း ဒီချုပ်ပါတီ ဒုဥက္ကဋ္ဌ(၂) ဒေါက်တာဇော်မြင့်မောင်က ပြောသည်။

ရွေးကောက်ပွဲမဲဆွယ်ခွင့်ကို အာဏာရပါတီအနေဖြင့် ကျန်ပါတီများနည်းတူ တန်းတူ ရည်တူစည်းရုံးမည်ဟု စိတ်ထားမှသာ သတ္တိရှိရာကျကြောင်း တစညပါတီဒုဥက္ကဋ္ဌ ဦးဟန်ရွှေထောက်ပြ

ရွေးကောက်ပွဲ မဲဆွယ်ခွင့်ကို အာဏာရပါတီအနေဖြင့် ကျန်ပါတီများနည်းတူ တန်းတူရည်တူစည်းရုံးမည်ဟု စိတ်ထားမှသာ သတ္တိရှိရာကျကြောင်း တိုင်းရင်းသားစည်းလုံးညီညွတ်ရေးပါတီမှ ဒုဥက္ကဋ္ဌ ဦးဟန်ရွှေကထောက်ပြ ပြောဆိုလိုက်သည်။

စစ်ကိုင်းတိုင်းဒေသကြီး ကောလင်မြို့တွင် မိုးသည်းထန်စွာ ရွာသွန်းမှုကြောင့် ကောလင်း-ဝန်သိုကားလမ်း ရေကျော်မှုဖြစ်ပွား

ယနေ့ဇူလိုင်လ (၃) ရက်နေ့၊ (၁၃ ၃၀)အချိန်၊ စစ်ကိုင်းတိုင်းဒေသကြီး၊ ကောလင်းမြို့တွင် မိုးသည်းထန်စွာ ရွာသွန်းမှုကြောင့် ကောလင်း-ဝန်းသို ကားလမ်းမကြီးပေါ် ရေကျော်နေကြောင်း သတင်းရရှိသဖြင့် ကောလင်းမြို့နယ်မီးသတ်စခန်းမှ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များသည် ခရီးသွားပြည်သူများ သွား/လာရေး အဆင်ပြေစေရေးအတွက် လိုအပ်သည်များ ကူညီဆောင်ရွက်ပေးလျက်ရှိကြောင်း မြန်မာနိုင်ငံမီးသတ်တပ်ဖွဲ့ရုံးမှ သိရှိရသည်။

ဖားကန့်မြေပြိုမှုကြောင့် ရခိုင်တိုင်းရင်းသား(၆၀)ကျော်သေဆုံး

ဖားကန့်မြေပြိုမှုဖြစ်စဉ်ဟာ ရခိုင်လူမျိုးတွေရဲ့ဆုံးရှုံးပျက်စီးမှုအများအပြားထဲ ဖြစ်စဉ်တစ်ခုလို့ ရခိုင်အမျိူးသားပါတီ(ANP)က ဒီနေ့ ထုတ်ပြန်လိုက်ပါတယ်။

Covid -19 လူနာအမှတ် ၉၆နှင့် အနီးကပ် ထိတွေ့သူ ၁၃ဦးကို Home Quarantine လုပ်ဆောင်ထား

ဆေးရုံမှဆင်းပြီး တစ်လကျော်အကြာတွင် Covid-19 ရောဂါပိုး ပြန်တွေ့သည့် လူနာအမှတ် ၉၆နှင့် အနီးကပ် ထိတွေ့သူ ၁၃ဦးကို နေအိမ်စောင့်ကြည့်-Home Quarantine လုပ်ဆောင်ထားသည်။

ဗြိတိန်နိုင်ငံမှာ အင်္ဂလိပ်ကျွန်ကုန်သည်ရုပ်တုကို ဖြိုချခဲ့မှုဖြင့် အမျိုးသားတစ်ဦးကို ဖမ်းဆီး

ဗြိတိန်နိုင်ငံမှာ ပြီးခဲ့တဲ့လက ဂျော့ချ်ဖလွိုက် ဆန္ဒပြမှုအတွင်း ၁၇ ရာစု အင်္ဂလိပ်ကျွန်ကုန်သည်တစ်ဦးရဲ့ ရုပ်ထုကို ဖြိုချခဲ့မှုနဲ့ အမျိုးသားတစ်ဦးကို ဖမ်းဆီးလိုက်ပြီလို့ ဗြိတိန်ရဲတပ်ဖွဲ့က ပြောဆိုပါတယ်။

ဖားကန့် မြေပြိုမှုကြောင့် သေဆုံးသူ အယောက် (၁၈၀) ဝန်းကျင်အထိရှိလာ

ဖားကန့်မြို့နယ်၊ ဝှေခါမှော် မြေစာပုံပြိုကျမှုကြောင့် သေဆုံးသွားတဲ့အရေအတွက်ဟာ ဒီနေ့ဇူလိုင် (၃)ရက်၊ နေ့လည်(၁)နာရီခွဲအထိ အယောက်(၁၈၀)ဝန်းကျင်ရှိသွားပြီလို့ စာရင်းပြုစုနေတဲ့ ရှာဖွေကယ်ဆယ်ရေးအဖွဲ့ဆီက သိရပါတယ်။

အောင်လအန်ဆန် ယခင်ကထက် ပိုမိုကျန်းမာလာပြီဟု ဖခင်ဖြစ်သူ ပြော

ကိုရိုနာဗိုင်းရပ်ကူးစက်ခံထားရကာ Covid-19 ရောဂါပိုးရှိနေသည့် MMA အားကစားသမား အောင်လအန်ဆန် ပိုမိုကျန်းမာလာပြီ မိသားစုများနှင့်အခန်းခွဲနေနေသောကြောင့် လသားအရွယ် သမီးလေးအပါအဝင် ကျန်သည့်မိသားစုဝင်များအတွက် စိုးရိမ်စရာမရှိကြောင်း ၎င်း၏ ဖခင် ဦးအန်ဆန်တူးအောင် ပြည်မြန်မာကိုပြောသည်။

မြိတ်တွင် ၊ ၁၁ နှစ်အရွယ် အမျိုးသမီးတစ်ဦးထပ်မံပျောက်ဆုံး

မြိတ်မြို့၊ ကလွင်ကျေးရွာအုပ်စု၊တက္ကသိုလ်ရပ် ၊မြရိပ်ညို(၁)လမ်းတွင်နေထိုင်တဲ့ အသက် ၁၁ နှစ်အရွယ်ရှိ အမျိုးသမီးတစ်ဦး ဇူလိုင်လ ၂ ရက်နေ့က ပျောက်ဆုံးသွားကြောင်းသိရပါတယ်။

Quarantine စင်တာအဖြစ်အသုံးပြုနေတဲ့ မော်လမြိုင်တက္ကသိုလ်ထဲမှာ အခန်းတချို့ဖျက်ဆီးခံထားရ

Quarantine စင်တာအဖြစ်ပြုလုပ်ထားတဲ့ မော်လမြိုင်တက္ကသိုလ်ထဲမှာ အခန်းတွေဖျက်ဆီးခံခဲ့ရသလို ပိုက်ဆံတချို့လည်းပါသွားတယ်လို့ မော်လမြိုင်တက္ကသိုလ်ကျောင်းသားများသမဂ္ဂက သိရပါတယ်။

အငြင်းပွားမှုများ ဖြစ်ပေါ်နေသည့် တောင်တရုတ်ပင်လယ်ပြင်တွင် တရုတ်နိုင်ငံ၏ စစ်ရေးလေ့ကျင့်မှုများနှင့်ပတ်သက်၍ ပင်တဂွန်မှ ပြစ်တင်ဝေဖန်လျက်ရှိ

ဇူလိုင်လ ၂ ရက်နေ့တွင် အမေရိကန် ကာကွယ်ရေးဝန်ကြီးဌာနသည် တောင်တရုတ် ပင်လယ်ပြင်တွင် တရုတ်နိုင်ငံ၏ စစ်ရေးလေ့ကျင့်မှုများနှင့်ပတ်သက်၍ စိုးရိမ်ပူပန် လျက်ရှိကြောင်း၊ အဆိုပါ စစ်ရေးလေ့ကျင့်မှုသည် အငြင်းပွားမှုများ ဖြစ်ပေါ်နေသည့် ရေပိုင်နက်အတွင်း အခြေအနေများကို ပိုမိုဆိုးရွားစေမည်ဖြစ်ကြောင်း ပြောကြားခဲ့ ပါသည်။

ချင်းပြည်နယ်၊ ဟားခါးမြို့မှာ အိမ်ပိုင်မရှိသူတွေကို အရစ်ကျစနစ်ဖြင့် မြေကွက်များရောင်းချပေး

ချင်းပြည်နယ်ရဲ့ ပြည်နယ်မြို့တော်ဖြစ်တဲ့ ဟားခါးမြို့နယ်မှာ အနည်းဆုံး နှစ်ပေါင်း ၁၀ နှစ် နေထိုင်ခဲ့ပြီး အိမ်ပိုင်မြေပိုင်မရှိတဲ့သူတွေကို အရစ်ကျစနစ်နဲ့ မြေကွက်တွေကို ရောင်းချပေးနေတယ်လို့ ချင်းပြည်နယ်အစိုးရအဖွဲ့ကိုယ်စား ပြောရေးဆိုခွင့်ရှိတဲ့ ချင်းပြည်နယ် လျှပ်စစ် စက်မှုလက်မှု နဲ့ စည်ပင်သာယာရေးဝန် ကြီးဌာန ဝန်ကြီး ဦးစိုးထက် က ပြောပါတယ်။

"အောင်ဆန်း" ရုပ်ရှင်တွင် ဂဠုန်ဦးစောအဖြစ် သရုပ်ဆောင်ရန် မင်းသမီးချော ဆုပန်ထွာရဲ့ခင်ပွန်းဖြစ်သူကိုဥက္ကာကျော်အား ရွေးချယ်လိုက်ပြီဖြစ်

"အောင်ဆန်း" ရုပ်ရှင်တွင် ဂဠုန်ဦးစောအဖြစ် ပါဝင်သရုပ်ဆောင်ရန် ၂၀၂၀ ခုနှစ် ဇွန်လ (၅) ရက်နေ့တွင် ကြေငြာခေါ်ယူခဲ့ပြီး Message Box မှသော်လည်းကောင်း၊ စာတိုက်မှသော်လည်းကောင်း လာရောက်လျှောက်ထားသော လျှောက်လွှာပေါင်း (၂၉) စောင်ကို လက်ခံရရှိခဲ့ပါသည်။

မြေပြိုကျမှုတွင်ပါသွားခဲ့ကြသူများအား ကယ်ဆယ်ရေးနှင့် ပြန်လည်ရှာဖွေရေးအတွက် ရဲဝံ့စွာ၊ အင်တိုက် အားတိုက် ဆောင်ရွက်နေကြသောသူအားလုံးကို မြန်မာနိုင်ငံဆိုင်ရာ အမေရိကန်သံရုံးမှ ချီးကျူးဂုဏ်ပြု

၂၀၂၀၊ ဇူလိုင်လ ၂ ရက်တွင် ကချင်ပြည်နယ်၊ ဖားကန့်မြို့နယ်အတွင်း အကြီးအကျယ်မြေပြိုကျမှုကြောင့် အသက်ဆုံးရှုံးခဲ့ကြရသူများ၏ကျန်ရစ်သူမိသားစုဝင်များအားလုံးနှင့်ထပ်တူ အမေရိကန်သံရုံးအနေဖြင့် ဝမ်းနည်းစိတ်မကောင်းဖြစ်ရပါသည်။

COVID-19 ကုသဆေး remdesivir အလုံအလောက်စုဆောင်းထားပြီး ဗြိတိန်နှင့် ဂျာမနီထုတ်ပြန်

COVID-19 ကုသရာတွင် အတော်လေးကိုထိရောက်သည်ဟု ပထမဆုံးသတ်မှတ်ခံထားရသည့် remdesivir အလုံလောက်အစုဆောင်းထားကြောင်း ဗြိတိန်နှင့် ဂျာမနီတို့က ဇူလိုင် ၂ ရက်တွင် ထုတ်ပြန်ခဲ့သည်။

အနောက်ပိုင်းခရိုင်၊ ကန္နားလမ်း(ကွန်ကရိလမ်း)မပေါ်တွင် အမျိုးသားတစ်ဦးအား သေဆုံလျှက် တွေ့ရှိ

(၂-၇-၂၀၂၀)ရက်နေ့၊ နေ့လည် (၁၁:၀၀) နာရီခန့် အချိန်တွင် ရန်ကုန်တိုင်းဒေသကြီး၊ အနောက်ပိုင်းခရိုင်၊ ကန္နားလမ်း(ကွန်ကရိလမ်း)မပေါ်တွင် အမျိုးသားတစ်ဦး သေဆုံးနေ၍ လင်းလက်လူမှုကယ်ဆယ်ရေးအဖွဲ့နှင့် ဘိုကလေးဈေးလူငယ် ပရဟိတ အဖွဲ့တို့မှ လူနာတင်ယာဉ်ဖြင့် တင်ဆောင်၍ ရန်ကုန်ဆေးရုံကြီးသို့ ကူညီ ပို့ဆောင်အပ်နှံပေးခဲ့ကြောင်း ကနဦး သိရပါသည်။

လစာထက်ဝက်လျှော့သည်ကို လက်မခံသည့် ယာဉ်မောင်းများ နစ်နာကြေးဖြင့်အလုပ်မှရပ်နားခံရ

လစာထက်ဝက် လျှော့သည်ကို လက်မခံသည့် ရန်ကုန်ဘတ်စ်ကား အများနှင့်သက်ဆိုင်သောကုမ္ပဏီ (YBPC)မှ ယာဉ်မောင်း ၅၀၀ ခန့် အလုပ်မှရပ်နားခံရကြောင်း ယင်းကုမ္ပဏီယာဉ်မောင်းသမဂ္ဂအဖွဲ့ဝင်အချို့ကပြောပါတယ်။

ရှမ်းပြည်နယ်မြောက်ပိုင်း မူဆယ်တွင် ဆိုင်ကယ်စီးလာသူ(၁)ဦး သေနတ်ပစ်ခံရပြီး သေဆုံး

ရှမ်းပြည်နယ်မြောက်ပိုင်း၊ မူဆယ်မြို့တွင် ဇူလိုင်လ ၂ရက် ည ၈နာရီခွဲခန့်က ဆိုင်ကယ်စီးလာသူတစ်ဦး သေနတ်ဖြင့်ပစ်ခံရပြီး သေဆုံးမှုဖြစ်ပွားခဲ့ကြောင်း သိရသည်။

ဖားကန့်မြေပြိုကျမူ သေဆုံးသူလေးဦး ထပ်မံတွေ့ရှိပြီး သေဆုံးသူ စုစုပေါင်း (၁၆၆) အထိရှိ

ယနေ့ ၃.၇.၂၀၂၀ ရက်တွင် ရှာဖွေကယ်ဆယ်ရေးလုပ်ငန်းများ ဆက်လက်ဆောင်ရွက်လျက်ရှိရာ သေဆုံးသူလေးဦး ထပ်မံတွေ့ရှိရာ နံနက် ၁၀ နာရီအချိန်အထိ သေဆုံးသူ ၁၆၆ ဦး ရှိပြီဖြစ်ကြောင်း မြန်မာနိုင်ငံ မီးသတ်တပ်ဖွဲ့မှ သတင်းထုတ်ပြန်ထားသည်။

ကိုဗစ်ကြောင့် ဂျပန်နိုင်ငံတွင် အခက်အခဲများနှင့် ကြုံတွေ့နေရသည့် မြန်မာနိုင်ငံသားများအတွက် ဂျပန်စေတနာရှင်တစ်ဦးမှအလှူငွေ လှူဒါန်းလာခြင်း

ကိုဗစ်ကြောင့် ဂျပန်နိုင်ငံတွင် အခက်အခဲများနှင့် ကြုံတွေ့နေရသည့် မြန်မာနိုင်ငံသားများအတွက် ဂျပန်နိုင်ငံ၊ Ibaraki ခရိုင်၊ Toride မြို့မှ ဂျပန်လူမျိုး စေတနာရှင် Mr. KAMIURA Naoki မှ ဂျပန်ယန်းငွေ ၁၀၀,၀၀၀ (ဂျပန်ယန်းငွေ တစ်သိန်းတိတိ) ကို မြန်မာ သံအမတ်ကြီးထံ ယနေ့နံနက်ပိုင်းတွင် လာရောက်လှူဒါန်းခဲ့ပါသည်။

သမ္မတနှင့် အတိုင်ပင်ခံပုဂ္ဂိုလ်တို့၏ ပါတီစည်းရုံးရေး လုပ်ငန်းများ စတင်ဆောင်ရွက်မည်ဟု ဒီချုပ်ထုတ်ပြန်

နိုင်ငံတော်သမ္မတ ဦးဝင်းမြင့်နှင့် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တို့သည် ဇူလိုင်လ ၂ ရက်ကစတင်၍ ပါတီနှင့်နယ်မြေစည်းရုံးရေးလုပ်ငန်းများကို စတင်ဆောင်ရွက်မည်ဖြစ်ကြောင်း အမျိုးသားဒီမိုကရေစီအဖွဲ့ချုပ်ပါတီက အထူးကြေညာချက်အဖြစ် ထုတ်ပြန် သည်။

တရုတ် အပလီကေးရှင်းတွေကို ပိတ်ပင်လိုက်ပြီးနောက် အိန္ဒိယဝန်ကြီးချုပ် မိုဒီက ၎င်း၏ Weibo အကောင့်ကို ဖျက်သိမ်း

အိန္ဒိယဝန်ကြီးချုပ် နာရင်ဒြာမိုဒီဟာ တရုတ်ရဲ့ တွစ်တာပုံစံ လူမှုကွန်ရက် Sina Weibo မှာဖွင့်ထားတဲ့ သူရဲ့ အကောင့်ကို ဖျက်သိမ်းလိုက်ပြီဖြစ်တယ်လို့ အိန္ဒိယ အစိုးရ သတင်းရင်းမြစ်တစ်ခုနဲ့ Weibo ကုမ္ပဏီတို့က ပြောဆိုပါတယ်။ နယ်စပ်မှာ နှစ်ဖက်တပ်တွေ ပဋိပက္ခဖြစ်ပြီးနောက် နှစ်နိုင်ငံအကြား တင်းမာမှုတွေ ဆက်ရှိနေတာဖြစ်ပါတယ်။

ရန်ကုန်ဝန်ကြီးချုပ် ဦးဖြိုးမင်းသိန်း ၂၀၂၀ ရွေးကောက်ပွဲတွင် ဝင်ရောက်ယှဉ်ပြိုင်မည် မဟုတ်ဘဲ အနားယူတော့မည်ဖြစ်ကြောင်း NLD ပါတီ ပြောရေးဆိုခွင့်ရှိသူ ပြောကြား

ရန်ကုန်ဒေသကြီးဝန်ကြီးချုပ် ဦးဖြိုးမင်းသိန်းသည် ၂၀၂၀ အထွေထွေရွေးကောက်ပွဲကို ဝင်ရောက် ယှဉ်ပြိုင်တော့မည်မဟုတ်ဘဲ အနားယူမည်ဖြစ်ကြောင်း NLD ပါတီ ပြောရေး ဆိုခွင့်ရှိသူ ဒုတိယဥက္ကဋ္ဌ (၂) မန္တလေးတိုင်းဒေသကြီး ဝန်ကြီးချုပ် ဒေါက်တာဇော်မြင့်မောင်က ပြောကြားသည်။