Wednesday, August 7, 2019

PPST အစည်းအဝေးကို သြဂုတ်လ လယ်ခန့်တွင်ကျင်းပမည်ဟု RCSS ပြော

တစ်နိုင်ငံလုံး အပစ်အခတ်ရပ်စဲရေးသဘောတူညီမှုစာချုပ် NCA လက်မှတ်ရေးထိုးထားသည့် တိုင်းရင်းသားလက်နက်ကိုင်အဖွဲ့စည်းများ၏ ငြိမ်းချမ်းရေးလုပ်ငန်းစဉ်ဦးဆောင်အဖွဲ့ PPST အစည်းအဝေးအား သြဂုတ်လ ၂၁ ရက်သို့ပြောင်းရွှေ့သွားသည်ဟုသိရသည်။

RCSS အတွင်းရေးမှူး ၂ လည်းဖြစ်ပြောရေးဆိုခွင့်လည်းဖြစ်သည့် ဗိုလ်မှူးကြီးစိုင်းငင်းက - PPST အစည်းအဝေးပေါ့။ တစ်ဆို့နေတဲ့ငြိမ်းချမ်းရေးအကြောင်း ၊ ၂၁ ရာစု ပင်လုံညီလာခံ ဒီ ၂၀၁၉ ထဲမှာ ကျင်းပ မလား ၊ ကျင်းပရင်အဆင်ပြေမလား ဆိုတာကို ဆွေးနွေးမှာဖြစ်မယ်။ လူစုံအောင်စောင့်ရတာကြောင့်အစည်းအဝေးရက်နောက်ကျသွားတာပါ - ဟု သျှမ်းသံတော်ဆင့်အားပြောသည်။
PPST အစည်းအဝေးအား သြဂုတ်လ ၅ ရက်နေ့တွင်ကျင်းပရန်လျာထားသော်လည်း သြဂုတ်လ ၂၁ မှ ၂၄ ရက်နေ့အထိ ပြောင်းရွှေ့ကျင်းပမည်ဖြစ်ကြောင်းသိရသည်။
ထိုသို့ အစည်းအဝေးရက်ပြောင်းခြင်းနှင့်ပတ်သက်ပြီး 7 Day သတင်းဌာနက - KNU လည်း တက်ရောက်မည်ဖြစ်သဖြင့် ရက်အနည်းငယ်ရွှေ့ပေးရန် တောင်းဆိုလာသောကြောင့် ဖြစ်ကြောင်း ဖော်ပြထားသည်။
အပစ်ရပ်လက်မှတ်ရေးထိုးထားသော တိုင်းရင်းသားလက်နက်ကိုင် အဖွဲ့ ၈ ဖွဲ့ (RCSS/SSA , PNLO, CNF, ABSDF, KNU, DKBA, KNLA-PC, ALP ) စုပေါင်းကာ ၂၀၁၆ ခုနှစ်က PPST ကိုဖွဲ့စည်းလိုက်ပြီးလက်ရှိ PPST အစည်းအဝေးများတွင် NCA အကောင်အထည်ဖော်ဖက်များ ဖြစ်သည့် မွန်ပြည်သစ်ပါတီ (NMSP) နှင့် လားဟူဒီမိုကရက်တစ်အစည်းအရုံး (LDU) မှ ခေါင်းဆောင်များ ပါတက်ရောက်ဆွေးနွေးကြမည်ဖြစ်သည်။

0 comments:

Post a Comment