Sunday, August 18, 2019

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် ရုရှားဖက်ဒရေးရှင်းနိုင်ငံတွင် ကျင်းပပြုလုပ်လျက်ရှိသည့် International Army Games-2019 ပိတ်ပွဲအခမ်းအနားသို့ တက်ရောက်၊ ရုရှား ဖက်ဒရေးရှင်းနိုင်ငံ၊ ကာကွယ်ရေးဝန်ကြီး Army General Sergei Shoigu နှင့် တွေ့ဆုံ

Image may contain: 2 people, people smiling, indoor

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် ဦးဆောင်သော မြန်မာ့တပ်မတော် ကိုယ်စားလှယ်အဖွဲ့သည် သြဂုတ် ၁၇ ရက် မွန်းလွဲပိုင်းတွင် ရုရှားဖက်ဒရေးရှင်းနိုင်ငံ၊ မော်စကိုမြို့ The Mound of Glory တွင် ကျင်းပပြုလုပ်သည့် International Army Games-2019 ပိတ်ပွဲအခမ်းအနားသို့ တက်ရောက်ခဲ့ကြ ကြောင်း တပ်မတော် ကာကွယ်ရေး ဦးစီးချုပ်ရုံးက သတင်းထုတ်ပြန်ထားသည်။

ဦးစွာ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် နှင့် အဖွဲ့ဝင်များသည် Patriot Part တွင် ခင်းကျင်းပြသထားသည့် House of Friendship ပြခန်းများမှ မြန်မာနိုင်ငံဆိုင်ရာပြခန်းသို့ ရောက်ရှိကြပြီး ရုရှားဖက်ဒရေးရှင်းနိုင်ငံ၊ ကာကွယ်ရေးဝန်ကြီး Army General Sergei Shoigu နှင့် အဖွဲ့ဝင်များအား ကြိုဆိုနှုတ်ဆက်ကာ မြန်မာနိုင်ငံဆိုင်ရာပြခန်းနှင့်ပတ်သက်၍ ရှင်းလင်းပြသသည်။
ဆက်လက်ပြီး တပ်မတော်ကာကွယ်ရေးဦးစီးချုပ်နှင့် အဖွဲ့ဝင်များသည် International Army Games-2019 ပြိုင်ပွဲတွင် ၀င်ရောက်ယှဉ်ပြိုင်ခဲ့ သည့် မြန်မာ့တပ်မတော်မှ တင့်တပ်ဖွဲ့ပြိုင်ပွဲဝင်များနှင့် ယဉ်ကျေးမှု အဖွဲ့များအား တွေ့ဆုံအားပေး စကားပြောကြားခဲ့ပြီး ဂုဏ်ပြုချီးမြှင့်ငွေ များ ပေးအပ်ခဲ့သည်။ ထို့နောက် အခမ်းအနားသို့ တက်ရောက်လာကြသူ များနှင့်အတူ တင့်ကားမောင်းနှင်ပစ်ခတ်ခြင်း ပြိုင်ပွဲ Tank Biathlon နောက်ဆုံးဗိုလ်လုပွဲစဉ်အဖြစ် ရုရှားနိုင်ငံ၊ ဘီလာရုစ်နိုင်ငံ၊ ကာဇက်စတန် နိုင်ငံနှင့် အဇာဘိုင်ဂျန်နိုင်ငံတို့မှ တင့်တပ်ဖွဲ့ဝင်များ၏ ယှဉ်ပြိုင်နေမှုများ ကို ကြည့်ရှုအားပေးခဲ့ကြသည်။
တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် နှင့် ရုရှားဖက်ဒရေးရှင်း နိုင်ငံ၊ ကာကွယ်ရေးဝန်ကြီး Army General Sergei Shoigu တို့သည် Patriot Part ဧည့်ခန်းမဆောင်၌ သီးခြားတွေ့ဆုံ၍ International Army Games-2019 တွင် ပါဝင် ယှဉ်ပြိုင်ခဲ့သည့် အခြေအနေများနှင့် နောက်နှစ်များတွင်လည်း ဆက်လက်ပါဝင် ယှဉ်ပြိုင်သွားမည့် ကိစ္စရပ်များ၊ ယခုကဲ့သို့ပြိုင်ပွဲများ ကျင်းပပြုလုပ် ခြင်းဖြင့် စစ်မက်ပဋိပက္ခ ဖြစ်ပွားမှုမရှိဘဲ ကာကွယ်ရေးစွမ်းရည်ကို ပြသနိုင်သည့်အတွက် ကမ္ဘာ့နိုင်ငံများ၏ ငြိမ်းချမ်းစွာ အတူယှဉ်တွဲ နေထိုင်နေမှုကို ဖော်ပြနေသည့် အခြေအနေများ၊ မြန်မာနိုင်ငံ၏ ကာကွယ်ရေးစွမ်းရည်မြှင့်တင်ရေး ဆောင်ရွက်မှုများတွင် ကူညီ ဆောင်ရွက်သွားမည့် အခြေအနေများနှင့် နှစ်နိုင်ငံနှင့် နှစ်နိုင်ငံ တပ်မတော်နှစ်ရပ်ကြား ရှိရင်းစွဲ ချစ်ကြည်ရင်းနှီးမှု ပိုမိုခိုင်မာစေရေး ဆက်လက်ဆောင်ရွက်သွားမည့် ကိစ္စရပ်များအား ရင်းနှီးပွင့်လင်းစွာ ဆွေးနွေးခဲ့ကြသည်။ တွေ့ဆုံပွဲအပြီးတွင် တပ်မတော်ကာကွယ်ရေး ဦးစီးချုပ်နှင့် ရုရှားဖက်ဒရေးရှင်းနိုင်ငံ၊ ကာကွယ်ရေးဝန်ကြီးတို့သည် အမှတ်တရလက်ဆောင် ပစ္စည်းများ အပြန်အလှန် ပေးအပ်ခဲ့ကြသည်။
ယင်းနောက် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် ဦးဆောင်သော မြန်မာ့တပ်မတော်ကိုယ်စားလှယ် အဖွဲ့သည် International Army Games-2019 ပိတ်ပွဲ အခမ်းအနား သို့ ပါဝင်တက်ရောက်ဂုဏ်ပြုခဲ့ကြပြီး ရုရှားကာကွယ်ရေးဝန်ကြီးမှ တည်ခင်းဧည့်ခံသော ဂုဏ်ပြုညစာစားပွဲသို့ တက်ရောက်ခြဲ့ကသည်။
ဦးစွာ ရုရှားဖက်ဒရေးရှင်းနိုင်ငံ၊ ကာကွယ်ရေးဝန်ကြီး Army General Sergei Shoigu က တင့်ကား မောင်းနှင်ပစ်ခတ်ခြင်းပြိုင်ပွဲ Tank Biathlon တွင် ဆုရရှိခဲ့သည့် ပြိုင်ပွဲဝင် တင့်တပ်ဖွဲ့ဝင်များအား ဆုများပေးအပ်ချီးမြှင့်ခဲ့သည်။ ယင်းနောက် ကာကွယ်ရေးဝန်ကြီးက ပြိုင်ပွဲဝင်နိုင်ငံများအနေဖြင့် ယခုကဲ့သို့ လာရောက်ယှဉ်ပြိုင်ခြင်းအား ကျေးဇူးတင်ရှိပါကြောင်း၊ နောက်နှစ်များတွင်လည်း ပါဝင်ယှဉ်ပြိုင်ကြရန် အတွက် ဖိတ်ခေါ်သွားမည်ဖြစ်ပါကြောင်းဖြင့် အမှာစကားပြောကြားပြီး Entertainment များဖြင့် ဖျော်ဖြေဧည့်ခံခဲ့သည်။
Credit - တပ်မတော် ကာကွယ်ရေး ဦးစီးချုပ်ရုံး
The Ladies News

0 comments:

Post a Comment