Monday, August 12, 2019

ရန်ကုန်မြို့ ရေမကြီးစေရန် နေ့စဉ် ဘုရားရှိခိုး၍ ဆုတောင်းနေရကြောင်း မြို့တော်ဝန် ဦးမောင်မောင်စိုး ပြောကြား

ရန်ကုန်မြို့တွင်း တစ်နေရာအား ညနေပိုင်းက တွေ့ရစဉ် (ဓာတ်ပုံ - ကြည်နိုင်)
ရန်ကုန်မြို့ ရေမကြီးစေရန် နေ့စဉ် ဘုရားရှိခိုး၍ ဆုတောင်းနေရကြောင်း ရန်ကုန်မြို့တော်ဝန် ဦးမောင်မောင်စိုးက သြဂုတ် ၁၁ ရက်တွင် မြို့တော်ခန်းမ၌ ပြုလုပ်သည့် မြို့နယ် စည်ပင်သာယာရေးကော်မတီအဖွဲ့ဝင်များ တွေ့ဆုံ၍ ရန်ကုန်မြို့အတွင်း ရေစီးရေလာ ကောင်းမွန်ရေး၊ ကျန်းမာရေးနှင့် ရေအလေအလွင့် ထိန်းချုပ်ရေး စသည့်တို့ကို လုပ်ငန်းလမ်းညွှန် သြဝါဒပေးရာတွင် ယင်းကဲ့သို့ ထည့်သွင်း ပြောကြားခဲ့ခြင်း ဖြစ်သည်။

ရန်ကုန်မြို့၌ ရေမကြီးစေရေးအတွက် ရေစီးရေလာ ကောင်းမွန်အောင် ရုန်းကန်ထားပြီး ရန်ကုန်တွင် ရေမကြီးကြောင်းကို မကြွားရဲသေးကြောင်း မြို့တော်ဝန်က ပြောကြားသည်။
“အခု ရာသီဥတုကလည်း ဆိုးသွမ်းတဲ့အချိန်ဆိုတော့ ရုန်းရမယ်။ အခုရုန်းထားတဲ့အတွက်ကြောင့် ရန်ကုန် အခြေအနေဟာ တော်တော်လေး ကျွန်တော် ကြွားတာ မဟုတ်ဘူး။ မကြွားရဲဘူး။ ကြွားတာပြီးရင် နောက်က ထပ်ဖြစ်ဖြစ်လာမှာ ဆိုးတဲ့အတွက် မကြွားရဲဘူး။ သိပ်ကြောက်တာ သူများရေကြီးတဲ့အတွက်လည်း စိတ်မကောင်းဘူး။ ဒါပေမဲ့ ကိုယ်လည်း ဆုတောင်းပြီးတော့ နေ့တိုင်း ဘုရားရှိခိုးနေရတာ ရေမကြီးပါစေနဲ့ဆိုပြီး တော့။ တွေ့တယ်မလား ရေမကြီးဘူး ဘာညာဆိုပြီး မကြွားရဲဘူး။ မြို့တော်ဝန် တစ်ယောက်အနေနဲ့ ကြောက်တယ်။ ဘာဖြစ်လို့လဲဆိုတော့ သဘာဝဘေးအန္တရာယ်ဆိုတာ ပြောလို့မရဘူး။ တစ်နည်းပြောရရင် မွန်ပြည်နယ်တို့ ဖြစ်တဲ့ဘက်မှာ ကူညီစေချင်တယ်။ ကူညီခွင့်ရရင် ကူညီချင်တယ်။ သို့သော်လည်း ကိုယ့်ဘက်ကလည်း တာလွှတ်လို့ရသလား ဆိုတော့ မရတဲ့အခြေအနေ ရုန်းနေရတာဆိုတော့ ကျွန်တော်တို့ ဆက်ရုန်းရအောင် ခေါ်ပြောတာပါ”ဟု မြို့တော်ဝန်က ပြောကြားသည်။
လက်ရှိတွင် ရန်ကုန်မြို့အတွင်း ရေစီးရေလာကောင်းမွန်အောင် ဆောင်ရွက်နိုင်မှုကြောင့် တစ်နာရီအတွင်း ရေပြန်ကျကြောင်း ရန်ကုန်မြို့တော်ဝန် ဦးမောင်မောင်စိုးက ပြောကြားသည်။
“ကျွန်တော်တို့ အခု ရေစီးရေလာကို နိုင်နိုင်နင်းနင်း လုပ်တဲ့အတွက်ကြောင့် ဥက္ကဋ္ဌများ အားလုံးရော အဖွဲ့ဝင်တွေရော၊ EO တွေရော၊ ထွေအုပ်တွေရော ကျေးဇူးတင်ပါတယ်။ အမှန်မှန်ဆိုရင် အရင်အတိုင်း အရင်ဘဝအတိုင်းဆိုရင် ရန်ကုန်မြို့ဟာ တချို့နေရာတွေမှာ ပေါင်လယ်လောက် ရောက်ခဲ့ပါတယ်။ ဒါ အခုဟာ တစ်နာရီအတွင်း ချက်ချင်း ပြန်ကျတဲ့အတွက်ကြောင့် တော်တော်များများ ရန်ကုန်သူ၊ ရန်ကုန်သားများဟာ ချီးကျူးခဲပါတယ်။ အပြစ်ပြောရင်သာ လွယ်ပါတယ်။ ကျွန်တော်တို့က အပြစ်ပြောတာကိုလည်း ဂရုမစိုက်ပါဘူး။ လုပ်စရာရှိတာတော့ လုပ်ရမှာပဲ။ ချီးကျူးလည်း အရေးကြီးမကြီးပါဘူး။ ကိုယ့်ဘာသာ လုပ်ရတာပဲ။ သို့သော်လည်း မချီးကျူးခဲတဲ့ကိစ္စမှာ သူတို့ ဝန်ခံလာတယ်။ ကောင်းလာပြီ။ ပြန်စဉ်းစားကြည့်ရင် ကောင်းတာ ပွင့်ပွင့်လင်းလင်း ပြောရရင် YCDC ပံ့ပိုးမှုနဲ့ တကယ့်ကို ကာယကံဖြစ်တဲ့ ဥက္ကဋ္ဌနဲ့ အဖွဲ့ဝင်တွေ၊ မြို့နယ် EO တွေရဲ့ စွမ်းစွမ်းတမံ လုပ်သွားတဲ့အတွက် ဒါတွေဟာ ရလဒ်ကိုရတဲ့အတွက် ကျေးဇူးတင်ပါတယ်”ဟု မြို့တော်ဝန်က ပြောကြားသည်။
ထို့ပြင် ရေကြီးရေလျှံမှု၏ နောက်ဆက်တွဲ ကျန်းမာရေးကိစ္စများဖြစ်သည့် တုပ်ကွေးရောဂါအတွက် တစ်ကိုယ်ရေ သန့်ရှင်းရေး၊ ရေစီးရေလာ ကောင်းမွန်ရေး၊ ရေပေးဝေရေးစနစ်ကို စနစ်တကျ ပြုလုပ်ထားသည့် အတွက်ကြောင့် တုပ်ကွေးဖြစ်ပွားမှုကို ဟန့်တားသင့်သလောက် ဟန့်တားထားကြောင်း မြို့တော်ဝန်က ပြောကြားသည်။
ရန်ကုန်မြို့အတွင်း ရေပေးဝေးရေးတွင် အလွဲသုံးစားလုပ်ခြင်းများ များပြားနေပြီး ရေပိုက်ပေါက်သုံးစွဲခြင်း၊ တရားမဝင် ရေခိုးသွယ်ခြင်း၊ ရေခိုးရောင်းခြင်းများကို သက်ဆိုင်ရာ မြို့နယ်အသီးသီးမှ စည်ပင်ကော်မတီဝင်များ က ထိန်းသိမ်းကြရန် မြို့တော်ဝန်က ပြောကြားသည်။     

Eleven Media Group

0 comments:

Post a Comment