Wednesday, August 7, 2019

ေနျပည္ေတာ္၊ ရန္ကုန္ႏွင့္ မႏၲေလးၿမိဳ႕ကို အာဆီယံအဆင့္ျမင့္ၿမိဳ႕ေတာ္မ်ားကြန္ရက္ အဖြဲ႕ဝင္အျဖစ္ သတ္မွတ္

နေပြည်တော်၊ ရန်ကုန်နဲ့ မန္တလေးမြို့တွေကို အာဆီယံအဆင့်မြင့်မြို့တော်များ ကွန်ရက်အဖွဲ့ဝင် မြို့တွေအဖြစ် သတ်မှတ်ထားပြီး ဖြစ်တယ်လို့ သမ္မတ ဦးဝင်းမြင့်က ပြောပါတယ်။

ဒီနေ့ ကျရောက်တဲ့ ၅၂ နှစ်မြောက် အာဆီယံနေ့ကို ပေးပို့တဲ့ သမ္မတရဲ့ သဝဏ်လွှာမှာ ပြောဆိုလိုက်တာ ဖြစ်ပြီး အာဆီယံဒေသအတွင်းရှိ အဆင့်မြင့်မြို့တော်တွေအကြား ကွန်ရက် ချိတ်ဆက်ခြင်းက အထောက်အကူပြုနိုင်မယ်လို့လည်း သမ္မတရဲ့ သဝဏ်လွှာမှာ ဖော်ပြပါတယ်။
အလားတူ အာဆီယံအဆင့်မြင့်မြို့တော်များကွန်ရက် အောင်မြင်ဖြစ်ထွန်းတာကိုလည်း မြင်တွေ့လိုတယ်။ မြို့တော်များ အပါအဝင် အာဆီယံအဖွဲ့ဝင် နိုင်ငံအသီးသီးရှိ မြို့ကြီး ၂ မြို့၊ ၃ မြို့စီတို့ဟာ ခေတ်မီပြီး ရေရှည်ခိုင်မြဲတဲ့ မြို့ပြတွေ ဖွံ့ဖြိုးတိုးတက်ရေး အတူတကွ ပူးပေါင်းဆောင်ရွက်ကြတဲ့ နေရာတခု ဖြစ်လာဖို့ အာဆီယံအဆင့်မြင့်မြို့တော်များကွန်ရက်ကို ထူထောင်ဖွဲ့စည်းခဲ့ခြင်း ဖြစ်တယ်လို့လည်း သဝဏ်လွှာမှာ ဖော်ပြထားပါတယ်။
အာဆီယံအဆင့်မြင့်မြို့တော်များကွန်ရက် ထူထောင်ရခြင်းရဲ့ အဓိကရည်ရွယ်ချက်က နည်းပညာကို အဓိကမောင်းနှင်အားအဖြစ် အသုံးချပြီး အာဆီယံပြည်သူအားလုံးရဲ့ လူမှု ဘဝဖွံ့ဖြိုးတိုးတက်ရေးအတွက် ဖြစ်ပါတယ်။
၂၀၁၉ ခုနှစ်ကို အာဆီယံ ယဉ်ကျေးမှုနှစ်အဖြစ် သတ်မှတ်ထားပြီး မြန်မာနိုင်ငံမှာလည်း အာဆီယံ အစားအစာပွဲတော်၊ ဈေးရောင်းပွဲတော် အစရှိတဲ့ အခမ်းအနားတွေကို မန္တလေးနဲ့ ရန်ကုန်မြို့မှာ အသီးသီးကျင်းပပြုလုပ်သွားဖို့ စီစဉ်ဆောင်ရွက်နေပါတယ်။
၁၉၆၇ ခုနှစ်၊ သြဂုတ် ၈ ရက်က စတင်ထူထောင်ခဲ့တဲ့ အရှေတောင်အာရှနိုင်ငံများအသင်း အာဆီယံမှာ မြန်မာ၊ ထိုင်း၊ လာအို၊ ကမ္ဘောဒီးယား၊ မလေးရှား ၊အင်ဒိုနီးရှား၊ ဖိလစ်ပိုင်၊ စင်ကာပူ စတဲ့ နိုင်ငံ ၁၀ နိုင်ငံဟာ အဖွဲ့ဝင်နိုင်ငံများအဖြစ် ရပ်တည်နေပါတယ်။
DVB

0 comments:

Post a Comment