Tuesday, August 13, 2019

ေပါင္းတည္ၿမိဳ႕နယ္တြင္ လယ္ဧကေပါင္း ၄၀၀၀ ေက်ာ္ေရနစ္ျမဳပ္ေန

မိုးသည်းထန်ရွာသွန်းမှုနဲ့ ချောင်းရေကြီးတာတွေကြောင့် ပဲခူးတိုင်း၊ ပေါင်းတည်မြို့နယ်ထဲက ကျေးရွာတွေ၊ ရပ်ကွက်တချို့နဲ့ လယ်ဧကပေါင်း ၄၀၀၀ ကျော်ရေနစ်မြုပ်နေပြီး ကျောင်းတချို့ကို ယာယီပိတ်ထားလိုက်ရပါတယ်။

ပြီးခဲ့တဲ့ရက်တွေက ဆက်တိုက်ရွာသွန်းနေတဲ့ မိုးရေတွေနဲ့ ပေါင်းတည်မြို့အရှေ့ဘက်က ဖြတ်စီးတဲ့နွားသတ်ချောင်းရေတွေကြောင့် ပေါင်းတည်မြို့နယ်ထဲက ကျေးရွာ အုပ်စုကြီး ၂ အုပ်စု ရက်ကွက်တချို့နဲ့ စာသင်ကျောင်း ၃ ကျောင်း ယာယီပိတ်ထားလိုက်ရပါတယ်။
ဒေသခံတချို့ကတော့ ပေါင်းတည်အရှေ့ဘက်ရှိ  ဝဲကြီးဆည်က ရေလွှတ်တာကြောင့်လို့ ဆိုကြပေမယ့် တကယ်တမ်း ဝဲကြီးဆည်ကရေပိုလွှဲကိုရောက်ဖို့ ၆ ပေခန့်လိုသေးတယ်လို့ ဆည်မြောင်းဌာန တာဝန်ရှိ သူတယောက်က ပြောပါတယ်။
ရေက ပေါင်းတည်မြို့နယ် ပညာရေးမှူးရုံးနဲ့အတူ၊ ကျောင်း ၃ ကျောင်း ယာယီ ပိတ်ထားလိုက်ရပြီး၊ အဲဒီကျောင်းတွေကို ရေကျသွားရင် အစားပြန်တက်ခိုင်းမယ်လို့ ဒုတိယမြို့နယ်ပညာရေးမှူး ဦးကျော်ဝင်း ပြောပါတယ်။
ပေါင်းတည်မြို့နယ်ထဲမှာ ကျေးရွာအုပ်စု ၁၃ အုပ်စုရှိ လယ်ဧကပေါင်း ၄၁၂၇ ဧက ရေနစ်မြုပ်နေပြီး ရေဆည်ကြီးကျေးရွာ အ.လ.က၊ ဘုရားငါးဆူ အ.လ.က၊ ပေါင်းတည် အ.ထ.က ကျောင်းတွေပါ ယာယီပိတ်သိမ်းထားရတယ်လို့ ပေါင်းတည်မြို့နယ် အထွေထွေအုပ်ချုပ်ရေး ဦးစီးဌာနက သိရပါတယ်။
DVB

0 comments:

Post a Comment