Sunday, August 11, 2019

ဖူးကတ္တြင္ ေဆာက္လက္စတိုက္ၿပိဳက်သျဖင့္ ျမန္မာလုပ္သား ၁ ဦးေသဆုံး၊ ၂ ဦးေပ်ာက္ဆုံ

S__65061230
ထိုင်းတောင်ပိုင်း၊ ဖူးကတ်မြို့မှာ ယမန်နေ့ညနေပိုင်းက ဆောက်လက်စ ကွန်ဒို မီနီယံတိုက်ပြိုကျပြီး ဆောက်လုပ်ရေးလုပ်ငန်းခွင်က မြန်မာအလုပ်သမားတချို့ သေဆုံး ဒဏ်ရာရခဲ့ကြပါတယ်။

ဖူးကတ်မြို့ ရာဝိုင်းအုပ်စုထဲက VIP Galaxy အမည်ရှိ ဆောက်လက်စ ကွန်ဒိုမီနီယံတိုက်ဟာ မနေ့ညနေ ၂ နာရီလောက်က သံငြမ်းစင်ပြိုကျပြီး အလုပ်သမားတွေ သေဆုံးဒဏ်ရာရခဲ့ကြတယ်လို့ ဖူကက် လက်ထောက် ခရိုင် ဝန် နိုင်းထန်းဝပ် ချန်ဖိနစ်က သတင်းထောက်တွေကို ပြောပါတယ်။
အဆိုပါ လုပ်ငန်းခွင်မတော်တဆဖြစ်မှုမှာ ကနဦး သေဆုံးသူ ၁ ဦးရှိပြီး ၂ ဦးမှာ ပြိုကျတဲ့ အပျက်အစီးတွေအောက် ပျောက်ဆုံးလျက်ရှိကြောင်း၊ ဒဏ်ရာရသူ ၈ ဦးရှိကာ အားလုံးကို ဖူးကတ် ချလောင်ဆေးရုံ၊ ဝချီရ ဆေးရုံနဲ့ တီပုတ်ဆေးရုံ ၃ ခုသို့ အသီးသီး ပို့ဆောင်ထားတယ်လို့ ဆိုပါတယ်။
အဆိုပါအဆောက်အဦမှာ ဆောက်လက်စ ၃ ထပ်တိုက်ခန်းဖြစ်ပြီး  အလုပ်သမားတွေက ငြမ်းစင်ပေါ်ကနေ ဒုတိယထပ်ကို အင်္ဂတေလောင်းစဉ် ငြမ်းစင်မှ စတင်ပြိုကျသွားတာဖြစ်ပါတယ်။
အပျက်အစီးပုံအောက် ရောက်သွားသူတွေကို ရှာဖွေရာမှာ ၂ နာရီလောက်အကြာမှာတော့ ၁ ဦးကို အလောင်းအဖြစ် ဖော်ယူရရှိပြီး ၂ ဦးကို ဆက်လက်ရှာဖွေနေဆဲဖြစ်ကြောင်း၊ မတော်တဆဖြစ်ရပုံ အသေးစိတ်ကို မသိရသေးပေမယ့်လည်း ငြမ်းစင်အလေးချိန်များလို့ ဝန်ပိပြီး ပြိုကျတာလို့ တာဝန်ရှိသူတွေက သုံးသပ်ပါတယ်။
ပျောက်ဆုံးသူတွေကို ဇုန် ၄ ဇုန်ခွဲပြီး ကရိန်းစက်တွေ မ ချီကာ အမြန်ဆုံး ရှာဖွေနေပြီး သူတို့ရှိမယ့်နေရာကို သိနိုင်ဖို့ သူတို့လက်ကိုင်ဖုန်းတွေဆီ ဖုန်းဆက်ခေါ်ပေမယ့် ဖုန်းကိုင်သူ မရှိဘူးလို့ ဆိုပါတယ်။
နောက်ဆက်တွဲသတင်းအရ ဒီနေ့မနက် ၂ နာရီခွဲလောက်မှာတော့ ၁ ဦးကို မြေအောက်ခန်းရှိ အုတ်ပုံတွေကြားကနေ ခဲရာခဲဆစ်ဆွဲထုတ်နိုင်ခဲ့ပေမယ့် သေဆုံးသွားပြီဖြစ်ကြောင်း၊  ထိုသူမှာ အသက် ၃၆ နှစ်ရွယ်ရှိ မင်းနိုင်ဆိုသူ မြန်မာလုပ်သား ၁ ဦးဖြစ်ပြီး အလောင်းကို လိုအပ်သလို စစ်ဆေးဖို့ ကယ်ဆယ်ရေးအဖွဲ့တွေက ဝချီရ ဆေးရုံကို ပို့ဆောင်ထားကာ နောက်ထပ် သိန်းထွန်း ဆိုသူ မြန်မာအလုပ်သမား ၁ ဦးကိုတော့ ဆက်လက်ရှာဖွေနေဆဲဘဲလို့   phukethotnews သတင်းမှာ ဖော်ပြပါတယ်။  
S__65061231
S__65061295
S__65061296
DVB

0 comments:

Post a Comment