Tuesday, August 13, 2019

အမေရိကန်-မြန်မာ စီးပွားရေးထိတွေ့ဆက်ဆံမှုများ တုိုးမြှင့်ရေး ကန်လက်ထောက်နုိုင်ငံခြားရေးဝန်ကြီး မြန်မာပြည်လာမည်

အမေရိကန်-မြန်မာ စီးပွားရေး ထိတွေ့ဆက်ဆံမှုများ တုိုးမြှင့်ရေး အမေရိကန်နုိုင်ငံခြား ရေးဝန်ကြီးဌာန၊ စီးပွားရေးနှင့် စီးပွားရေး လုပ်ငန်းများဆုိုင်ရာ လက်ထောက် နုိုင်ငံခြားရေးဝန်ကြီး မနီရှာဆင်းသည် သြဂုတ်၁၆ ရက်မှ ၂၁ ရက်အထိ မြန်မာနုိုင်ငံသုို့ လာရောက်မည်ဖြစ်သည်။

အထက်ပါ ကန်လက် ထောက်နုိုင်ငံခြားရေးဝန်ကြီး၏ ခရီးစဉ်အတွင်း နှစ်နုိုင်ငံကြားစီးပွား ထိတွေ့ဆက်ဆံမှုများ တုိုးမြှင့်ရေး အစုိုးရတာဝန်ရှိပုဂ္ဂိုလ် များ၊ စီးပွားရေး ထိပ်သီးပုဂ္ဂိုလ်များ၊ နည်းပညာဆုိုင်ရာ စွန့်ဦးတီထွင်သူများနှင့် တွေ့ဆုံမည်ဖြစ် ကြောင်း အမေရိကန်သံရုံးက ယမန်နေ့တွင် ထုတ်ပြန်သည့်ကြေညာချက်၌ ဖော်ပြသည်။
ရခုိုင်ပြည်နယ်မြောက်ပုိုင်း အရေးနှင့် ပတ်သက်၍ မြန်မာနုိုင်ငံအပေါ် အနောက်နုိုင်ငံကြီးများ၏  ပစ်မှတ်ထားအရေးယူမှုနှင့် စီးပွားရေးဆုိုင်ရာ စောင့်ကြည့်မှုများ ရှိနေချိန်တွင် အမေရိကန် လက် ထောက်နုိုင်ငံခြားရေးဝန်ကြီး၏ ယခုခရီးစဉ်က မြန်မာ့စီးပွားရေး အတွက် အထောက်အပံ့ဖြစ်စေ နုိုင်ကြောင်း စီးပွားရေးလုပ်ငန်းရှင် အချို့က သုံးသပ်သည်။
‘‘သူလာတဲ့အတွက်၊ တုို့အတွက် ခုိုင်မာတဲ့ ပိတ်ဆုို့မှုတွေက  မရှိဘူးဆုိုတာ သတင်းအချက် အလက်အဖြစ် နုိုင်ငံတကာ သတင်းဌာနတွေကုို ပြောပြီးသားဖြစ်တာပေါ့။ ဒါကောင်းတာပေါ့’’ဟု မြန်မာနုိုင်ငံ ကုန်သည်များနှင့်စက်မှုလက်မှုလုပ်ငန်းရှင်များ အသင်းချုပ် (UMFCCI) ဗဟုို အလုပ်အမှုဆောင် ဦးမြင့်စုိုးက မှတ်ချက်ပြုသည်။
ထုို့အပြင် လက်ထောက် နုိုင်ငံခြားရေးဝန်ကြီးသည် အမေရိကန်သံရုံးနှင့် ဂျပန်သံရုံး၊ ဂျပန်နုိုင်ငံ ကုန်သည်များနှင့် စက်မှု လက်မှုလုပ်ငန်းရှင်များအသင်း၊ အမေရိကန် ကုန်သည်ကြီးများ အသင်း၊ မြန်မာနုိုင်ငံကုန်သည် များနှင့် စက်မှုလက်မှုလုပ်ငန်းရှင် များအသင်းတုို့က ပူးတွဲကျင်းပမည့် တာဝန်ယူမှု၊ တာဝန်ခံမှုရှိ သော ရင်းနှီးမြှုပ်နှံမှုဆုိုင်ရာ မြန်မာ-ဂျပန်-အမေရိကန်   ဆွေးနွေးပွဲကုို တက်ရောက်၍ စကားပြော ကြားမည်ဖြစ်သည်။
7Day

0 comments:

Post a Comment