Tuesday, August 13, 2019

ထိုင္းလႊတ္ေတာ္အမတ္ေဟာင္းအား သတ္ျဖတ္မွုသံသယျဖင့္ ျမန္မာလုပ္သား ၁ ဦး ဖမ္းဆီးခံရ

aHR0cHM6Ly9zLmlzYW5vb2suY29tL25zLzAvdWQvMTU3Mi83ODYzMDYyL2tpbGwuanBn
ထိုင်းနိုင်ငံ၊ ဘန်ကောက်မြို့၊ ဘန်ဆိနယ်မြေ ဝုန်းဆဝမ် ၁၉ လမ်းထဲမှာ ဘန်ဆိနယ်မြေ လွှတ်တော်ကိုယ်စား လှယ်ဟောင်း ၁ ဦး အသတ်ခံရတာနဲ့ ပတ်သက်ပြီး  အသက် ၁၉ နှစ်ရွယ် မြန်မာအလုပ်သမား ၁ ဦးအား သံသယအရှိဆုံးသူအဖြစ် ရဲတွေက ဖမ်းဆီးလိုက်ပါတယ်။ 

ဘန်ဆိနယ်မြေ လွှတ်တော်အမတ်ဟောင်း၊ ရေခဲစက်ရုံလုပ်ငန်းရှင် နိုင်းဖွန်းဆဒ် ဝပ်သဝနိကွန်း (၇၂ နှစ်)ဟာ သြဂုတ် ၁၁ ရက်ညကတည်းက ပျောက်ဆုံးနေပြီး မိသားစုဝင်တွေက  ဝုန်းဆဝမ်လမ်းထဲရှိ သူတို့ရဲ့ပြုပြင်ဆဲနေအိမ်ကို မနေ့က သွားရောက်ရှာဖွေရာမှာ နိုင်းဖွန်းဆဒ်ရဲ့ အလောင်းကို တွေ့ရှိခဲ့ပါတယ်။
အဆိုပါ နေအိမ်မှာ အပြင်ကနေ သော့ခတ်ထားတဲ့အတွက် မိသားစုဝင်တွေက သော့ကို ရိုက်ချိုးပြီး အိမ်ထဲဝင်ခဲ့ကြောင်း၊ အိမ်ပေါ်ထပ်ရဲ့ အဝတ်ဘီဒိုအောက်မှာ သွေးစတွေကျနေပြီး ဘီဒိုထဲမှာ အလောင်းကို တွေ့ရတာလို့ ဆိုပါတယ်။ 
တာဝန်ရှိသူတွေကို ခေါ်ယူ စစ်ဆေးရာမှာ သေသူရဲ့  နဖူးနဲ့ ဦးခေါင်းမှာ မာကျောတဲ့ အရာဝတ္ထုနဲ့ ထုနှက်ခံ ထား ရတဲ့ ဒဏ်ရာရှိပြီး လွန်ခဲ့တဲ့ ၈ နာရီလောက်က သေဆုံးခဲ့ဟန်ရှိတယ်လို့ ဘန်းဆိနယ်မြေရဲစခန်း ရဲတပ်ဖွဲ့ဝင်က ပြောပါတယ်။ 
  သေဆုံးသူ အမြဲဝတ်ထားတဲ့ ရိုးလက်စ်လက်ပတ်နာရီနဲ့ ဘတ်ငွေ ၂၀၀၀၀ ကျော်ပါ ပိုက်ဆံအိတ်လည်း ပျောက်ဆုံးနေတယ်လို့ ဆိုပါတယ်။ 
အိမ်နီးနားချင်းတွေကတော့ သေဆုံးသူမှာ အဆိုပါနေအိမ်ကို လွန်ခဲ့တဲ့ ၃ လကမှ ဝယ်ယူထားပြီး နေ့စဉ်လို လာရောက်ပြုပြင်လေ့ရှိကြောင်း၊ သူနဲ့အတူ မြန်မာအလုပ်သမား ၁ ဦးလည်း အမြဲလိုက်ပါလေ့ ရှိတယ်လို့ ပြောပါတယ်။
သြဂုတ် ၁၁ ရက်နေ့ကလည်း အဆိုပါအလုပ်သမားမှာ နိုင်းဖွန်းဆစ်နဲ့အတူ ရှိနေကြောင်း၊ နိုင်းဖွန်းဆဒ် သေဆုံးတော့ မြန်မာအလုပ်သမားလည်း ပျောက်ဆုံးနေပါတယ် ။ 
တာဝန်ရှိသူတွေက စီစီကင်မရာတွေကို လိုက်လံစစ်ဆေးရာမှာ မြန်မာအလုပ်သမား အဆိုပါ နေအိမ်ကနေ ထွက်ခွာသွားပုံ၊ ဆမွတ်ဆာခွန်းခရိုင် မဟာချိုင်ဘက်ထွက်သွားတာတွေ တွေ့ရပြီး သြဂုတ် ၁၂ ရက်နေ့ ညနေ ပိုင်းမှာတော့ မဟာချိုင်ရှိ အိမ်ခန်းတစ်ခုမှာ ပုန်းရှောင်နေတဲ့ အသက် ၁၉ နှစ်ရွယ်ရှိ မင်းထွေး ခေါ် ကိုကို ဆိုသူကို ရှာဖွေဖမ်းဆီးခဲ့ပါတယ်။ 
ကိုကိုထံမှ အလုပ်ရှင်ဆီက ယူထားတဲ့ ငွေတွေအနက် ဘတ်၁၀၀၀၀ ကျော်ပြန်လည်ရရှိ ကြောင်း၊ သူ့ရဲ့ အလုပ်ရှင်ဟာ အလုပ်လုပ်ရင် အမြဲလိုပြစ်တင်ပြော ဆိုလေ့ ရှိတဲ့အတွက် ဦးခေါင်းကို သံချောင်းနဲ့ ထုပြီး အလောင်းကို ဘီဒိုထဲ ထည့်ခဲ့ကြောင်း ဝန်ခံသွားပါတယ် ။ 
တာဝန်ရှိသူတွေက မင်းထွေးကို ဆက်လက်စစ်ဆေးနေပြီး သူကျူးလွန်ထားခဲ့ပုံတွေ အစအဆုံး ပြန်လည်သရုပ်ပြခိုင်းဖို့ စီစဉ်နေတယ်လို့ INN ထိုင်းသတင်းမှာ ဖော်ပြပါတယ်။ 
aHR0cHM6Ly9zLmlzYW5vb2suY29tL25zLzAvdWQvMTU3Mi83ODYzMzkwL25ld3Byb2plY3QtMjAxOS0wOC0xMnQyMDI5LmpwZw==
DVB

0 comments:

Post a Comment