Monday, August 12, 2019

မွန်နှင့် ကရင်ပြည်နယ်တို့တွင် သဘာဝဘေးဒဏ်ခံစားခဲ့ရသည့် ပြည်သူများအတွက် လွှတ်တော်တွင် ဝမ်းနည်းကြောင်းအဆိုတင်

မွန်ပြည်နယ် နှင့် ကရင်ပြည်နယ်တို့တွင် သဘာဝဘေးဒဏ်ခံစားခဲ့ရသည့် ပြည်သူများအတွက် ယနေ့ကျင်းပပြုလုပ်သည့် ပြည်ထောင်စုလွှတ်တော်အစည်းအဝေး တွင် အောင်မြေသာဇံမဲဆန္ဒနယ်မှ ကိုယ်စားလှယ် ဒေါက်တာလှမိုးမှ ဝမ်းနည်းကြောင်း အဆိုတင်သွင်းခဲ့သည်။

ထိုသို့အဆိုတင်သွင်းမှုကို အမရပူရမဲဆန္ဒနယ်မှ ကိုယ်စားလှယ် ဦးအောင်သိန်းမှထောက်ခံဆွေးနွေးခဲ့သည်။
ထို့အတူ တနင်္သာရီမဲဆန္ဒနယ်မှ ကိုယ်စားလှယ် ဦးအောင်ကျော်ဟိန်းမှလည်း တနင်္သာရီတိုင်းဒေသကြီးတွင်လည်း သဘာဝဘေးဒဏ်ခံစားနေရကြောင်းတင်သံယွင်းခဲ့သည်။
အဆိုတင်သွင်းမှုကို ကန့်ကွက်သူမရှိသဖြင့် လွှတ်တော်မှ စာနာထောက်ထားဝမ်းနည်းပါကြောင်းနှင့် လွှတ်တော်ကိုယ် စားလှယ် များ၏နေ့တွက်စရိတ်ကို သဘာဝဘေးဒဏ်သင့်သည့် ဒေသများအတွက် ကူညီထောက်ပံလှူဒါန်းရန်အတွက် လွှတ်တော်မှ အတည်ပြုကြောင်းနာယက ဦးတီခွန်မြတ်ကကြေညာခဲ့သည်။
ယခုလ အတွင်း မွန်ပြည်နယ် ကရင်ပြည်နယ် နှင့် တနင်္သရီ တိုင်းဒေသကြီးတို့တွင်မိုးသည်းထန်စွာ ရွာသွန်းခြင်းကြောင့် မြစ်ရေရုတ်တရက်မြှင့်တက်ခြင်း တောင်ပြိုခြင်းများကြောင့် သဘာဝဘေးဒဏ်များခံစားခဲ့ကြရသည်။
ယင်းသို့ခံစားခဲ့ကြရသည့်တိုင်းရင်းဒေသခံ ပြည်သူများအတွက် ပြည်သူ့လွှတ်တော်ကိုယ်စားလှယ်များမှ လှူဒါန်းငွေ ၆၃သိန်းကျော်နှင့်ပြည်သူ့လွှတ်တော် ဥက္ကဌမှ ၈၄ သိန်းကျော်နှင့် အမျိုးသားလွှတ်တော်ကိုယ်စားလှယ်များမှ ၄၄ သိန်းကျော်နှင့် အမျိုးသားလွှတ်တော်ဥက္ကဌ မှ သိန်း ၃၀ ကျော်လှူဒါန်းရာ စုစုပေါင်း ငွေကျပ် ၂၂၅ သိန်း ကို ကူညီလှူဒါန်းသွားမည်ဖြစ်ကြောင်း ဦးတီခွန်မြတ်က ကြေညာခဲ့သည်။
သဘာဝဘေးအန္တရာယ်ခံစားရသည့်ပြည်သူများအတွက်လည်း လွှတ်တော်ကိုယ်စားလှယ်များနှင့်အစည်းအဝေးခန်းမအတွင်းရှိ ပုဂ္ဂိုလ်များအားလုံး မှ တစ်မိနစ်ခန့် ငြိမ်သက်၍ မေတ္တာပို့သ ခဲ့ကြသည်။

The Fifth Wave News

0 comments:

Post a Comment